| e-texts navigator |
| Wylie |
245a1 འཛིན་ཟག་པ་དེ་རུ་ཆད།། རིག་པ་སྟོང་གསལ་དབྱེར་མེད་ལ།། གབ་པ་མངོན་དུ་ཕྱུང་བས་ནི།། རང་བྱུང་ཡེ་ཤེས་ངོ་བོ་ཉིད།། རིག་པ་འཛིན་མེད་གཏན་ལ་ཕེབ།། རིག་མ་ལ་སོགས་བཙལ་མི
245a2 དགོས།། བདག་དང་བདག་གིར་འཛིན་པ་ཟད།། འཛིན་མེད་སེམས་ལ་བཅོས་བསླད་མེད།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། རིག་པ་རྩལ་གྱི་དབང་བསྐུར་བའི་ལེའུ་སྟེ་གསུམ
245a3 པའོ།། །། དེ་ནས་ཡང་སེམས་དཔའ་ཆེན་པོ་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཧོ་གསང་བའི་བདག་པོ་ལགས།། རང་བྱུང་རིག་པའི་དབང་བསྐུར་ནས།། བསྒོམ་པའི་རིམ་པ་བཤད་དུ་གསོལ།། ཞེས
245a4 གསོལ་ཏོ།། གསང་བའི་བདག་པོས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉོན་ཅིག། ངེས་པའི་དོན་ལ་མོས་པ་ཡི།། རྣལ་འབྱོར་པ་ཡི་དོན་ཆེད་དུ།། སེམས་ཀྱི་གཞག་ཐབས་འདི་ལྟར་ལགས།། དཔེ་དོན་རྟགས
245a5 དང་ཏིང་འཛིན་ཉམས།། གཞག་ཐབས་བཙའ་ཐབས་བཅོས་པའི་ཐབས།། རྣམ་པ་བརྒྱད་དུ་རིག་པར་བྱ།། ཡོན་ཏན་རྣམ་པ་གསུམ་དུ་བསྟན།། དཔེ་ཡིས་མཚོན་པ་འདི་ལྟར་ལགས།། བྲམ་ཟེ་གཙང་མས་ཁྲུས
245a6 གསོལ་ཏེ།། རྒྱལ་སྲིད་ཀུན་ལ་དབང་བསྒྱུར་བཞིན།། མ་ལས་སེམས་ཅན་ཐམས་ཅད་ལ།། བྱང་ཆུབ་གཉིས་མེད་རང་བཞིན་གནས།། དེ་དོན་རྟོགས་པར་བྱ་བ་ནི།། དམིགས་པ་དག་ལ་བརྟན་བྱས་ནས།། མི
iiif viewer powered by OpenSeadragon
