| e-texts navigator |
| Wylie |
244b1 འབྲེལ་པའི་སྐྱོབ་ཆེན་མིན།། བླ་མ་འཁོར་བའི་གཉེན་གཅིག་པོ།། སྐྱེ་ཤི་ལ་སོགས་སྡུག་བསྔལ་གྱིས།། མཐོང་ནས་དེ་ལས་སྒྲོལ་འདོད་པ།། དེ་རྣམས་ལྡན་པའི་སློབ་མ་ནི།། སྣོད་དང་ལྡན་པར་ཤེས་པར་གྱིས།། ཡེ
244b2 ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། སློབ་དཔོན་སློབ་མའི་མཚན་ཉིད་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་སེམས་དཔའ་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཧོ་གསང་བའི
244b3 བདག་པོ་ལགས།། སྣོད་ལྡན་སྨིན་པར་བྱ་བའི་ཕྱིར།། དབང་གི་རིམ་པ་བཤད་དུ་གསོལ།། ཞེས་གསོལ་ཏོ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། གསང་སྔགས་རྒྱུད་ལ་མོས
244b4 འདོད་ན།། སྨིན་པར་བྱ་ཕྱིར་དབང་བསྐུར་བས།། ལྷ་དབང་ལུས་ལ་བསྐུར་བ་ནི།། ཟག་བཅས་ལྷ་ཡི་དབང་བསྐུར་ན།། ཐུན་མོང་དངོས་གྲུབ་ཕྲ་མོ་འབྱུང་།། འཇིག་རྟེན་ཆོས་ལ་དབང་བསྐུར་བས།། རང་ལུས་ལྷ་རུ
244b5 ཕྱག་རྒྱ་ཤེས།། སྐྱེ་མེད་རིག་པའི་དབང་བསྐུར་ན།། རང་ལུས་མ་སྐྱེས་དངོས་གཞི་མེད།། སེམས་ཀྱི་དཀྱིལ་འཁོར་འོད་གསལ་བས།། རྡུལ་ཚོན་རྫས་ལ་རག་མ་ལས།། དབང་ཐོབ་བྱིན་བརླབས་རྟགས་རྣམས
244b6 འབྱུང་།། རང་སེམས་མཐོང་བས་ཏིང་འཛིན་གསལ།། བྱིན་བརླབ་དགུག་གཞུག་བྱ་མི་དགོས།། ཐབས་དང་ཤེས་རབ་ཟུང་དུ་འབྲེལ།། བདེ་ཆེན་ཆོས་སྐུར་ཤེས་པས་ན།། མཚན་མའི་བློ་ཡང་རང་སར་གྲོལ།། གཟུང
iiif viewer powered by OpenSeadragon
