| e-texts navigator |
| Wylie |
244a1 བྲལ།། བརྡའ་འམ་ཐབས་ཀྱིས་བསྟན་པ་ལས།། ངག་ཏུ་བརྗོད་པའི་ཆོས་ཉིད་མིན།། དོན་དམ་དེ་ལ་བརྗོད་མེད་ཀྱང་།། བླ་མའི་ཐབས་ཀྱིས་མ་མཚོན་ན།། གནས་ལུགས་དེ་ནི་རྟོགས་མི་འགྱུར།། ཆོས
244a2 རྣམས་ཐམས་ཅད་བརྡའ་ཡིས་བསྟན།། བརྡའ་ལ་གོམས་པའི་རྣལ་འབྱོར་པས།། བརྡའ་ཡི་དོན་ལ་སྐྱོལ་བར་ནུས།། ཡེ་ཤེས་གསང་བ་སྒྲོན་མ་རིན་པོ་ཆེ་མན་ངག་གི་རྒྱུད་ལས། གླིང་གཞིའི་ལེའུ་སྟེ་དང
244a3 པོའོ།། །། དེ་ནས་ཡང་སེམས་དཔའ་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཧོ་གསང་བའི་བདག་པོ་ལགས།། ཆོས་ཉིད་མཚོན་པས་རྟོགས་འདོད་པའི།། སློབ་དཔོན་སློབ་མའི་མཚན་ཉིད་ནི།། གསང་བའི
244a4 བདག་པོས་བཤད་དུ་གསོལ།། ཞེས་གསོལ་ཏོ།། གསང་བའི་བདག་པོས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉོན་ཅིག། སློབ་དཔོན་སློབ་མའི་སྣོད་བཅུད་དེ།། ལེགས་པར་བཤད་ཀྱིས་ཡིད་ལ་ཟུང་།། དཀའ
244a5 བ་མང་སྤྱད་སྐྱོ་ངལ་ཆུང་།། རྒྱུད་ལ་མཁས་ཤིང་མན་ངག་ཆེ།། ཐུགས་རྗེ་ཆེ་ལ་འདོད་པ་ཆུང་།། བརྒྱུད་པ་ལྡན་ལ་མཚོན་པ་མཁས།། དབང་རྣམས་ཐོབ་ལ་ཏིང་འཛིན་གསལ།། དེ་རྣམས་ལྡན་པའི་བླ་མ་ལ།། བཅུད
244a6 དང་ལྡན་པར་ངས་བཤད་དོ།། བླ་མ་ལ་གུས་གཏོང་ཕོད་ཆེ།། དད་པ་ལྡན་ལ་བརྩོན་འགྲུས་ཆེ།། བླ་མ་མི་གསང་ཤེས་རབ་ལྡན།། སེམས་བཟང་གོ་ཆ་མཐུག་པ་དང་།། རྒྱུད་འཇམ་ཞེ་སྡང་ཆུང་བ་དང་།། འཇིག་རྟེན
iiif viewer powered by OpenSeadragon
