| e-texts navigator |
| Wylie |
243b1 རྒྱ་གར་སྐད་དུ། ཛྙཱ་ན་གུ་ཧྱ་དཱི་པ་རཏྣོ་པ་དེ་ཤ་ཏནྟ་ནཱ་མ། བོད་སྐད་དུ། ཡེ་ཤེས་གསང་བའི་སྒྲོན་མ་རིན་པོ་ཆེ་མན་ངག་གི་རྒྱུད་ཅེས་བྱ་བ། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི
243b2 སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡེ་ཤེས་ཀྱི་སྙིང་པོ་བཅོམ་ལྡན་འདས་རྡོ་རྗེ་འཆང་གསང་བ་མཆོག་གི་བདག་པོ་དེས། མཁའ་སྤྱོད་འོག་མིན་གྱི་གནས
243b3 ཆོས་ཀྱི་དབྱིངས་ཀྱི་ཕོ་བྲང་མཁའ་ཀློང་ཡངས་པའི་གནས་མཆོག་ན། གཏང་གཞག་མེད་པའི་ཏིང་ངེ་འཛིན་ལ་སྙོམས་པར་ཞུགས་པའི་དུས་ན།། དེའི་ཚེ་འཁོར་སངས་རྒྱས་དང་། ལྷ་དང་མི་དང་། ལྷ་མ་ཡིན་དང་། ཤ
243b4 ཟ་དང་། སྲིན་པོ་དང་། གནོད་སྦྱིན་ལ་སོགས་པ་རྣམས་ཀྱི་ནང་ནས། རྡོ་རྗེ་སེམས་དཔས་པུས་མོ་གཡས་པའི་ལྷ་ང་ས་ལ་བཙུགས་ནས། དངས་པའི་སེམས་ཀྱིས་བཅོམ་ལྡན་འདས་ཀྱི་དྲུང་དུ། ལུས་བཏུད་དེ་འདི
243b5 སྐད་ཅེས་གསོལ་ཏོ།། ཀྱེ་ཧོ་བཅོམ་ལྡན་རྡོ་རྗེ་འཆང་།། གསང་བའི་བདག་པོ་མཐུ་སྟོབས་ཅན།། ཆོས་ཉིད་བྱང་ཆུབ་སེམས་ཀྱི་དོན།། བདག་ཅག་རྣམས་ལ་བཤད་དུ་གསོལ།། ཞེས་གསོལ་ཏོ།། རྡོ་རྗེ་འཆང་གསང
243b6 བའི་བདག་པོ་དེས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག་ཆོས་ཉིད་དོན་གྱི་རྣལ་མ་དེ།། མ་བཅོས་མ་བསླད་རང་བྱུང་བ།། ཚིག་དང་ཡི་གེ་བརྗོད་ལས་འདས།། ཡིད་ལ་མ་བྱས་མཚོན་དང
iiif viewer powered by OpenSeadragon
