| e-texts navigator |
| Wylie |
242b1 ཆེར་བཤད་དུ་གསོལ།། ཞེས་ཞུས་སོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། དུས་གསུམ་རྒྱལ་བའི་གཏེར་གྱི་དབྱིག། ནམ་མཁའི་མཐའ་དང
242b2 མཉམ་པའི་རྒྱུད།། གསང་བའི་ཡང་སྙིང་བསྟན་པའི་བཅུད།། སངས་རྒྱས་ཀུན་གྱི་དགོངས་པའི་ལུང་།། ངེས་པར་གཅིག་ཏུ་བསྟན་པའི་རྒྱུད།། སྐུ་གསུང་ནམ་མཁའི་མཐའ་མཉམ་པ།། སྤྲོས་བྲལ་བསྟན་པ་ཅིར་མི
242b3 དགོངས།། ཐེག་པའི་ཡང་རྩེ་ཀུན་གྱི་འགྲེལ།། ལུང་གསུམ་མན་ངག་ཀུན་གྱི་བཅུད།། རིན་ཆེན་ཕུང་པོ་ཟད་མི་ཤེས།། ཟག་མེད་ཡེ་ཤེས་བདེ་ཆེན་ཀློང་།། རྟག་པ་ཡེ་ཤེས་འཁོར་ལོ་ཅན།། རབ་ཏུ་གསང་བ་རྟོགས
242b4 དཀའ་ཞིང་།། དམན་པའི་སྤྱོད་ཡུལ་མ་ཡིན་པ།། རང་གསལ་རང་གི་ཡེ་ཤེས་མཛོད།། རང་བྱུང་རིག་པའི་འོད་ལ་ཞུགས།། བདེ་ཆེན་ཁྱབ་པའི་ངོ་བོ་ནི།། ནམ་མཁར་འཛིན་པའི་སེམས་དང་བྲལ།། འདི་ལ་མོས་པའི
242b5 གང་ཟག་ནི།། སངས་རྒྱས་ས་ལ་སྐལ་པ་མཉམ།། རྡོ་རྗེ་སེམས་དཔའ་བཅོམ་ལྡན་འདས།། རང་གསལ་ཁྱབ་པའི་འོད་མངའ་ཞིང་།། རིག་པ་གསལ་བའི་དབྱིངས་ལ་གནས།། འཁོར་བ་སངས་རྒྱས་དུས་གཅིག
242b6 གསལ།། རིག་པ་ཡེ་ཤེས་གསང་བར་སྣང་།། འགྲོ་དྲུག་ཡེ་ཤེས་སྙིང་པོར་གསལ།། དངོས་པོ་ཐམས་ཅད་གསལ་བར་རྟོགས།། བསྟན་པའི་སྙིང་པོ་གང་འཆར་བ།། རྒྱལ་བའི་སྐུ་གསུང་ཐུགས་འཆང་བ།། དེ་བཞིན
iiif viewer powered by OpenSeadragon
