| e-texts navigator |
| Wylie |
242a1 མེད་ཆགས་པ་ཆེ་བ་དང་།། སེར་སྣ་རང་ཆེ་ཕྱོགས་བལྟ་ཞིང་།། འཇིག་རྟེན་གྲགས་པ་གཉེར་བ་དང་།། དམ་མེད་བརྩོན་འགྲུས་ཆུང་བ་དང་།། ཡེ་ནས་བློ་འཕང་དམའ་བ་དང་།། འཇིག་རྟེན་བྱ་བའི
242a2 རྒྱུར་སྒྲུབ་དང་།། ཐེག་པ་དམན་པར་ཞུགས་པ་དང་།། ཆོས་ལ་ཕྱོགས་རིས་ངོམས་སྐྱེན་དང་།། རྡོ་རྗེ་བླ་མ་བསླུ་བ་དང་།། ངེས་པའི་དོན་ལ་སྐུར་འདེབས་པ།། འདི་ལ་གསང་བའི་སྒོ་ཕྱེ་ནས།། ནོར་བུ་རིན་ཆེན་གང
242a3 གཏོད་པ།། རྡོ་རྗེ་དམྱལ་བར་སྐྱེ་བར་ངེས།། གལ་ཏེ་ཐར་ཞིང་སེམས་སྐྱེས་ན།། གསང་བའི་དོན་དང་ཕྲད་མི་འགྱུར།། རྡོ་རྗེ་བླ་མ་སྨོད་པ་ནི།། དུས་གསུམ་རྒྱལ་བ་སྨད་པའི་མཐུས།། བདུན་རྒྱུད་ཚུན་ཆད་བརླག
242a4 འགྱུར་ནས།། རྡོ་རྗེ་འབར་བའི་ནང་དུ་སྐྱེ།། གལ་ཏེ་དམ་པར་འཇུག་འདོན་ན།། སྐྱབས་ཀྱི་དམ་པ་རྙེད་མི་འགྱུར།། གང་ཞིག་གསང་བའི་གསུང་མཆོག་ལ།། གང་ཞིག་སྤངས་ཤིང་སྐུར་བཏབ་པས།། རྒྱལ་བའི
242a5 གསུང་མཆོག་སྤངས་པ་ཡིན།། ཐར་པའི་སེམས་དང་གཏན་དུ་བྲལ།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། གང་ཟག་བརྟག་པའི་ལེའུ་སྟེ་ཉི་ཤུ་དྲུག་པའོ།། །། དེ་ནས
242a6 སེམས་དཔའ་རྡོ་རྗེ་དམ་པ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དུས་གསུམ་རྒྱལ་བའི་སྐུ་གསུང་ཐུགས།། གསང་མཛོད་ཐུགས་ཀྱི་མེ་ལོང་འདི།། བསྟན་དང་བཤད་དང་བཀླག་པ་ཡི།། ཡོན་ཏན་རྒྱ
iiif viewer powered by OpenSeadragon
