| e-texts navigator |
| Wylie |
241a1 བཙལ་བའི་རྣམ་གྲངས་ཅི་སྤྱད་ཀྱང་།། བྱས་ན་འཆིང་བ་ཆེན་པོར་འགྱུར།། དམ་ཚིག་མི་བསྲུང་ཐ་མལ་སེམས།། འཇིག་རྟེན་གྲགས་པ་གཙོར་ལེན་པས།། རང་བྱུང་རིག་པའི་སེམས་དང་བྲལ།། མུན
241a2 གྱུར་བདེན་པའི་དོན་ལས་ཉམས།། ཇི་ལྟར་བཙལ་བ་དེ་ཉིད་འཁྲུལ།། གང་ལྟར་བལྟས་པ་དེ་ཉིད་ནོར།། ལྟ་ལོག་སྤྱོད་རྩིར་མུ་སྟེགས་པ།། ཤི་ནས་དམྱལ་བ་ཆེན་པོར་འགྲོ། ཐར་པའི་སྐབས་དང་བྲལ་ནས
241a3 ཀྱང་།། ཐེག་ཆེན་གསང་བའི་རིགས་དང་བྲལ།། ཡང་དག་གསང་བའི་དོན་རྟོགས་ན།། ཅི་སྤྱད་ཡེ་ཤེས་འོད་དུ་འབར།། ཐམས་ཅད་གསལ་བའི་མེ་ལོང་པས།། ཡེ་ཤེས་རང་གསལ་འོད་དུ་འབར།། ཞེས་གསུངས
241a4 སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། གདམས་ངག་ཕོག་པའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ།། སངས་རྒྱས་ཀུན་གྱི
241a5 གསང་བའི་གཏེར།། དུས་གསུམ་རྒྱལ་བའི་དགོངས་པའི་ལུང་།། གང་ཟག་དམ་པ་གང་ལྟར་བརྟགས།། མགོན་པོ་ཆེན་པོས་བཤད་དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས
241a6 འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། རྡོ་རྗེ་ཐེག་པ་བཤད་དང་ཉན།། སྐྱོན་དང་ཡོན་ཏན་རིམ་པ་ནི།། རྡོ་རྗེ་བླ་མ་མན་ངག་ཅན།། རིག་པ་གསང་བའི་མཛོད་འཛིན་ཅིང་།། རང་གསལ་ལུང་གི་དོན
iiif viewer powered by OpenSeadragon
