| e-texts navigator |
| Wylie |
240b1 རིན་པོ་ཆེ།། ཆགས་མེད་པདྨ་ལྟ་བུའི་ངང་།། རང་བྱུང་རང་གསལ་རང་ལ་རྫོགས།། རྡོ་རྗེ་སེམས་དཔའ་གསང་བའི་མཆོག། ཀུན་འབྱུང་ཆགས་པ་ཆེན་པོའི་མཆོག། ཟབ་མོ་བརྟག་དཀའ་རྒྱ་ཆེན་ཉིད།། དམིགས་བྲལ
240b2 མཁའ་མཉམ་རྒྱས་པའི་མཆོག། འོད་གསལ་བདེ་མཆོག་རང་གསལ་ལུང་།། འདི་ནི་ནམ་མཁའི་མཐའ་མཉམ་ལུང་།། རང་གསལ་རིག་པ་མངོན་རྟོགས་པས།། བཅོས་བྲལ་རིག་པ་གསལ་བའི་ངང་།། ཆོས་སྐུ་འོད
240b3 འབར་དུས་གཅིག་གསལ།། བདེ་མཆོག་རོ་ལ་དུས་གཅིག་བཞུགས།། འོད་གསལ་རིག་པའི་གདེང་ལྡན་ན།། རང་གསལ་མ་ཡིན་ཆོས་མི་གནས།། རང་བྱུང་འོད་ལྔ་རྟག་ཏུ་འབར།། ཡེ་ཤེས་འབར་བ་མཆོག་གི
240b4 གནས།། དུས་གཅིག་རིག་པ་རང་གསལ་ན།། རིམ་སྐྱེའི་ཤེས་པ་ནོར་བའི་ལམ།། གསལ་ལ་མི་མངོན་ཆོས་དབྱིངས་ནི།། ཐམས་ཅད་ཀུན་ལ་ཁྱབ་པར་གནས།། རྟོག་པས་མ་བཅོས་བླ་མའི་ས།། འཁོར་བ་ཉིད་ན་ཡེ
240b5 སངས་རྒྱས།། མ་བཅོས་ས་ལ་དུས་གཅིག་ཕྱིན།། འོད་གསལ་ཀླུང་ལ་རྟག་བཞུགས་ཀྱང་།། འགྲོ་བའི་དོན་ལ་ཕྱོག་རིས་མེད། ཁམས་གསུམ་འཁོར་བའི་བཙོན་ར་ཡང་།། རིག་པ་རང་གསལ་ཆེན་པོར་བལྟ།། དུག
240b6 ལྔ་བརྩེགས་པའི་རི་བོ་ཡང་།། རང་གསལ་ཡེ་ཤེས་ལྔ་རུ་འབར།། ཐམས་ཅད་ཡེ་ཤེས་གསལ་བ་ལ།། གཉིས་པའི་རྟོག་པ་གདོད་ནས་སྟོང་།། གང་ཞིག་འོད་གསལ་ཆེན་པོ་ལ།། རིག་པ་སེམས་དང་མི་ལྡན་ན།།
iiif viewer powered by OpenSeadragon
