| e-texts navigator |
| Wylie |
240a1 ཁུ་བྱུག་ཀུན་བཟང་ཀློང་དགུའི་རྒྱུད།། ཡེ་ནས་ཡེ་ཤེས་རང་གསལ་ཡང་།། རྣམ་རྟོག་ཕྲ་རགས་བསམ་ཡས་པས།། བསྒྲིབས་པས་གསལ་བར་མ་མཐོང་བས།། ཡེ་ཤེས་གསང་བ་མཆོག་གི་རྒྱུད།། ཕྱི
240a2 ནང་སངས་རྒྱས་སེམས་ཅན་དང་།། བདག་གཞན་བདེ་སྡུག་ཟད་པར་ནི།། ཡེ་ཤེས་རང་གསལ་ལ་རྫོགས་པས།། ཡེ་ཤེས་རྫོགས་པའི་རྒྱུད་ཅེས་བྱ།། དུས་གསུམ་རྒྱལ་བའི་དགོངས་པ་ནི།། རྡོ་རྗེ་སྙིང་པོ་འོད་གསལ
240a3 ཏེ།། མ་ནོར་གཏན་ལ་ཕབ་པས་ན།། རྡོ་རྗེ་སྙིང་པོ་གསང་བའི་རྒྱུད།། འདི་ནི་གསང་བ་རྨད་བྱུང་བའི།། འདི་ནི་གསང་བ་རབ་གསང་བ།། དོན་དང་འབྲེལ་པའི་མཚན་དུ་བཤད།། ཅེས་གསུངས་སོ།། ནམ་མཁའི
240a4 མཐའ་དང་མཉམ་པའི་རྒྱུད་ཆེན་པོ་ལས། མཚན་གྱི་རྣམ་གྲངས་བསྟན་པའི་ལེའུ་སྟེ་ཉི་ཤུ་བཞི་པའོ།། །། དེ་ནས་སེམས་དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ།། ཡེ་ཤེས་རང་གསལ་ངོ་བོ
240a5 ལ།། གཉིས་པའི་ཆོས་དང་རྣམ་བྲལ་ཡང་།། རྟོགས་དང་མ་རྟོགས་ཁྱད་པར་གྱིས།། འཇུག་ཚུལ་རིམ་པར་བཤད་དུ་གསོལ།། ཞེས་གསུངས་སོ།། དེ་ནས་ཡང་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས
240a6 གསུངས་སོ།། ཀྱེ་སེམས་དཔའ་ཆེན་པོ།། རང་སྣང་ཡེ་ཤེས་གསལ་བ་ལ།། རྣམ་རྟོག་སྒྲིབ་པའི་ཆོས་མི་གནས།། གདོད་ནས་དག་པའི་ཡེ་ཤེས་ནི།། ནམ་མཁའ་གསལ་བའི་འོད་དང་མཚུངས།། འདོད་པ་ཀུན་འབྱུང
iiif viewer powered by OpenSeadragon
