| e-texts navigator |
| Wylie |
23a1 བསྲེ་འཚོང་ཆུ་ལ་འོ་མས་བསླད།། ཨེ་མ་ཧོ་ཤིན་ཏུ་བསྟན་པར་དཀའ།། དཀའ་བས་སྣོད་ཉུང་གབ་པ་ཡིན།། གཟུང་འཛིན་གཉིས་མེད་ངོ་སྤྲད་དེ།། དེ་ཡི་དཔེ་ཡི་ངོ་སྤྲད་གཅེས།། འཁྲུལ་པའི་མིག་གིས
23a2 ལྟས་པའི་ཚེ།། ཟླ་བ་གཉིས་སུ་སྣང་བ་ལྟར།། བརྟགས་པས་གཉིས་སུ་མེད་པར་མཐོང་།། དེ་བཞིན་འཁྲུལ་པའི་གཟུང་འཛིན་ཡང་།། བལྟས་པས་གཉིས་སུ་མེད་པར་ཤར།། གཟུང་འཛིན་གཉིས་མེད་ངོ་སྤྲད་དོ།། མ
23a3 རིག་པ་ཡི་ཡེ་ཤེས་སུ་ངོ་སྤྲད་པ་ནི།། དེ་ཡི་དཔེ་ཡི་ངོ་སྤྲད་ནི།། དཔེར་ན་ལྟེང་ཀའི་ཟླ་བ་རྣམས།། ཡང་དག་དོན་ལ་དངོས་སུ་མེད།། མཁའ་ཟླ་གཅིག་ཏུ་ཤེས་པ་ལྟར།། མ་རིག་བལྟས་པས་དངོས་པོ
23a4 མེད།། བལྟ་ཐབས་མཁས་པས་ཤེས་པར་བྱ།། འགྱུ་བ་ཡེ་ཤེས་ངོ་སྤྲད་པ།། དཔེར་ན་སྨིག་རྒྱུ་སྣ་ཚོགས་ཀྱང་།། ཡང་དག་དོན་ལ་རང་བཞིན་མེད། དེ་བཞིན་འགྱུ་བ་སྣ་ཚོགས་ཀྱང་།། བལྟས་པས་དངོས་པོ་མེད་པར
23a5 ཤར།། ཤེས་རབ་ཡིད་ལ་ངོ་སྤྱོད་པ།། དེ་ཡི་དཔེ་ཡི་ངོ་སྤྲད་པས།། བྲག་ཆ་ལྟ་བུར་གང་བྱས་འཆར།། ཡིད་ལ་ངོ་སྤྱད་སྐུ་གསུམ་འཆར།། དེ་དོན་ངོ་སྤྱོད་རྣམ་བཞི་ཡིན།། རྟེན་གྱི་གསང་བ་ངོ་སྤྱོད་པ།། དེ་ཡི་དཔེ་ཡི
23a6 ངོ་སྤྱོད་རྒྱ་མཚོ་འདྲ།། རྟགས་ཀྱང་ལྦུ་བ་ལྟ་བུའོ།། དོན་གྱི་ངོ་སྤྲོད་རྩ་གཉིས་ལ།། རྟགས་ནི་ཕྱི་འགྱུ་ནང་འགྱུའོ།། དོན་ནི་འགྱུ་བ་རང་དངས་སོ།། དེ་ནི་ཉམས་ལེན་ངོ་སྤྲོད་ཡིན།། ཉམས་ལ་ཆགས་པས་འཁོར་བ
iiif viewer powered by OpenSeadragon
