| e-texts navigator |
| Wylie |
239b1 པ་མཆོག་གི་རྒྱུད། ཁུ་བྱུག་ཀློང་དགུ་བསྟན་པའི་མཆོག། ཡེ་ཤེས་གསང་རྫོགས་མཉམ་པའི་གཏེར།། ཐེག་པའི་རྣམ་གྲངས་ཇི་སྙེད་པ།། རྫོགས་ཆེན་ཐེག་པ་འདིར་འདུས་ཏེ།། རྩ་བ་བྱང་ཆུབ་སེམས་ཡིན་པས།། ཆོས
239b2 ཀུན་རྩ་བ་ཞེས་སུ་བརྗོད།། ཟིལ་གནོན་ལྷག་པར་འཕགས་པ་དང་།། འདིར་འདུས་ཀུན་གྱི་ཏོག་ཡིན་པས།། མ་བཅོས་བྱང་ཆུབ་སེམས་ཉིད་ནི།། བསྟན་པའི་ཡང་རྩེ་ཡིན་པར་བཤད།། འདས་དང་མ་བྱོན་དུས
239b3 གསུམ་གྱིས།། རྒྱལ་བའི་དཀྱིལ་འཁོར་མ་ལུས་པ།། དགོངས་པ་རང་གསལ་འདི་ཡིན་པས།། དོན་གྱི་མཆོག་ཅེས་ངེས་པར་བཤད།། འདི་ལ་མཐའ་དང་དབུས་མེད་ཅིང་།། སྒྲོ་སྐུར་བརྗོད་བསམ་དག་པ
239b4 དང་།། བསམ་གྱིས་མི་ཁྱབ་པ་ཡི་ཕྱིར།། ནམ་མཁའི་མཐའ་དང་མཉམ་པའི་རྒྱུད།། ཆོས་ཀུན་བྱང་ཆུབ་སེམས་ཉིད་ལས།། སངས་རྒྱས་སེམས་ཅན་ཀུན་གྱི་གསང་།། རིག་པ་སེམས་ལ་ཀུན་འདུས་ཕྱིར།། གསང་བ
239b5 ཀུན་འདུས་རིག་པའི་གཏེར།། འདི་ལ་ཚིག་དང་ཡི་གེ་དང་།། བརྡ་དང་མཚན་མ་ཐ་སྙད་ཀྱིས།། རང་གསལ་མཚོན་དུ་མེད་པའི་རྒྱུད།། ཡི་གེ་མེད་པའི་རྒྱུད་ཅེས་བྱ།། ཐམས་ཅད་ཡེ་ནས་ཆོས་དབྱིངས་ལ།། ཆེ་ཆུང
239b6 བཟང་ངན་བླང་དོར་དག། ཡེ་ནས་གཉིས་མེད་གཅིག་པས་ན།། ཀུན་བཟང་རིག་པ་མཆོག་གི་རྒྱུད།། ཆོས་ཀུན་རྩ་བ་ཀློང་དགུར་འདུས།། ཀློང་དགུ་རྩ་བ་སེམས་སུ་གཅིག། འབྱུང་དང་རྟོགས་པར་དཀའ་བའི་ཕྱིར།།
iiif viewer powered by OpenSeadragon
