| e-texts navigator |
| Wylie |
239a1 པས།། ཇི་བཞིན་མ་བཅོས་དགོངས་པའི་ཚིག། ངེས་པས་ངེས་པ་ཞེས་སུ་བཤད།། ཅེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཆོས་ཐམས་ཅད་རྡོ་རྗེ་སྙིང་པོ་མཆོག་ཏུ
239a2 གཏན་ལ་ཕབ་པའི་ལེའུ་སྟེ་ཉི་ཤུ་གསུམ་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཀུན་གྱི་ཐུགས།། གསང་བ་ཡང་གསང་རྨད་དུ་བྱུང་།། ནམ
239a3 མཁའི་མཐའ་དང་མཉམ་སྦྱོར་བའི།། མཚན་གྱི་རྣམ་གྲངས་བཤད་དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། སངས
239a4 རྒྱས་ཀུན་དང་མཉམ་སྦྱོར་བའི།། གསང་བའི་ཡང་གསང་བྱང་ཆུབ་སེམས།། ཇི་བཞིན་རིག་པ་མཆོག་གི་གཏེར།། མ་བཅོས་བྱང་ཆུབ་སེམས་ཀྱི་ལུང་།། སྤྲོས་བྲལ་རིག་པ་མཆོག་གི་གསུང་།། སྐྱེ་དང་འགག་མེད་ཡེ
239a5 ཤེས་ཀློང་།། སྤྲོས་མེད་བྱིན་རླབས་ཕྱོགས་བཅུར་བརྡལ།། རང་གསལ་ཆོས་ཉིད་དག་པའི་མཁའ།། གཉིས་མེད་ཀློང་དུ་ཡེ་སངས་རྒྱས།། ཆོས་སྐུ་ཡེ་ཤེས་འོད་དཔག་མེད།། ཐིག་ལེ་འོད་འབར་རིག་པའི
239a6 ཀློང་།། བསྟན་པའི་རྩ་བ་སེམས་ཉིད་དང་།། བསྟན་པའི་ཡང་རྩེ་དོན་གྱི་མཆོག། ནམ་མཁའི་མཐའ་དང་མཉམ་པའི་རྒྱུད།། གསང་བ་ཀུན་འདུས་རིག་པའི་གཏེར།། ཡི་གེ་མེད་པ་མཆོག་གི་ལུང་།། ཀུན་འདུས་རིག
iiif viewer powered by OpenSeadragon
