| e-texts navigator |
| Wylie |
238b1 ཕབ།། བདག་གཞན་མེད་པར་གཏན་ལ་ཕབ།། འགྱུར་མེད་ཀློང་དུ་གཏན་ལ་ཕབ།། ངེས་པ་མེད་པའི་ཐེག་པ་བརྒྱད།། འགྲོ་བ་དྲང་བའི་ཆེད་དུ་གསུངས།། དེ་ཡི་བསམ་པ་འདྲེན་པའི་ཕྱིར།། དྲང་བའི་ལུང་ཞེས
238b2 བཤད་པ་ཡིན།། བསམ་དང་མོས་པའི་ཁྱད་པར་གྱིས།། ཐེག་པའི་ཁྱད་པར་དེ་ལྟར་བསྟན།། འགྲོ་བའི་འདུལ་ཆད་མ་གཏོགས་པ།། ངེས་པར་དགོངས་པ་གཅིག་ལས་མེད།། རང་དབང་སེམས་ལ་མི་གནས
238b3 ན།། སྤྱོད་དང་རྩོལ་བའི་ཁྱད་པར་གྱིས།། རང་རིག་དོན་ལ་ཅིར་བཙལ་ཡང་།། ཡེ་ཤེས་མཆོག་གི་དོན་དང་འགལ།། ངེས་པའི་ཤེས་པ་མ་སྐྱེས་ན།། དྲན་དང་རྟོག་པ་ཅིར་བསྒོམ་པ།། གང་བསྒོམ་དེ་ཉིད་རྟོག་འགྱུར
238b4 ཞིང་།། མ་བསྒོམས་པས་ཀྱང་འགྲུབ་མི་འགྱུར།། འདི་ཀུན་ལོང་བའི་སྤྱོད་ཡུལ་ཏེ།། འཇིག་རྟེན་ལོག་པའི་ཤེས་པ་ཡིས།། འོད་གསལ་རིག་པ་ཉིད་བསྒོམས་ཀྱང་།། འགྲུབ་པར་མི་འགྱུར་ཚེ་ཆད་འགྱུར།། རྒྱལ་བའི
238b5 དགོངས་པ་ཇི་བཞིན་པ།། དེ་ཉིད་མ་བཅོས་ཆོས་དབྱིངས་དོན།། ངེས་པར་རྣལ་དུ་གང་སྟོན་པ།། ངེས་པའི་དོན་དུ་གསུངས་པ་ཡིན།། སངས་རྒྱས་རྣམས་ལ་བཅོས་མེད་དེ།། གང་ཞིག་བཅོས་མ་དྲང་བའི
238b6 ལུང་།། བཅོས་མེད་ཡེ་ཤེས་སྙིང་པོ་ནི།། ངེས་པ་མཆོག་གི་ལུང་དུ་འདོད།། གང་ཞིག་རྩོལ་བའི་ཆོས་རྣམས་ནི།། འགྲོ་བའི་སྤྱོད་པ་དྲང་བའི་ལུང་།། རྩོལ་མེད་ངེས་པར་སྟོན་པ་ནི།། རྒྱལ་བའི་དགོངས་པའི་ངེས་ལུང
iiif viewer powered by OpenSeadragon
