| e-texts navigator |
| Wylie |
238a1 པར་མི་རྟོག་ས་ལེ་བ།། ས་ལེ་བར་ཡང་བསམ་དུ་མེད།། བདག་གཞན་མཚན་མས་མ་བཟུང་ཞིང་།། རྣམ་རྟོག་བྲལ་བའི་དབྱིངས་ལ་རྫོགས།། མ་བགྲོད་ས་ལ་དུས་གཅིག་གནས།། ཉི་མའི་སྙིང་པོ
238a2 བཞིན་དུ་གནས།། མ་བཙལ་མ་བསྒྲུབས་ཇི་བཞིན་ཉིད།། རང་སེམས་རྒྱུན་བྲལ་རིག་པའི་མཆོག། དུས་མཐའ་ཤེས་རབ་ཅིག་ཆར་ལ།། ཆོས་ཀུན་གསལ་བར་རྟོགས་པའོ།། སྙིང་རྗེ་ཉི་མའི་འོད་དེ་ལྟར།། འགྲོ་བ
238a3 ཀུན་ལ་སྙོམས་པའི་བདག། ནམ་མཁའི་མཐའ་ལ་ལོངས་སྤྱོད་པ།། ཐམས་ཅད་མཁྱེན་པའི་ཡེ་ཤེས་མཚོ།། གསང་བའི་རྒྱ་མཚོ་མཆོག་གི་གཏེར།། དམན་པའི་སྤྱོད་ཡུལ་མ་ཡིན་པའོ།། ཡེ་ཤེས་རྒྱ་མཚོའི་བློ་མངའ
238a4 ཞིང་།། རྟོག་འཇོམས་ཡེ་ཤེས་རྡོ་རྗེའི་དབྱིངས།། རྒྱུ་འབྲས་རང་གསལ་སྙིང་པོའི་མཆོག། ཤེས་རབ་མཆོག་གི་སྤྱོད་ཡུལ་གྱིས།། ཡེ་ཤེས་རྫོགས་པའི་སྒོ་ཕྱེ་ནས།། དུས་གཅིག་ཡེ་ཤེས་འོད་དུ་འབར།། ཀུན་མཁྱེན་ཡེ
238a5 ཤེས་སྙིང་པོ་ལ།། བལྟ་བའི་སྒྲིབ་པ་རྣམ་བསལ་ཞིང་།། འོད་འབར་ཐིག་ལ་མཆོག་གི་རྒྱན།། གདུལ་བའི་བསམ་པ་ཇི་བཞིན་དུ།། ཐུགས་རྗེ་ཆེན་པོའི་བྱིན་རླབས་ཀྱིས།། ཐབས་མཁས་སྤྱོད་པ་བསམ་མི་ཁྱབ།། དུས
238a6 གཅིག་ཉིད་ལ་གསལ་བར་འཆར།། བྱ་བྲལ་རྫོགས་པའི་ལུང་ཉིད་དང་།། རང་གསལ་རིག་པ་མཆོག་གི་ཉམས།། རྣ་བརྒྱུད་སེམས་ཀྱི་མན་ངག་གིས།། མ་ནོར་ངེས་པར་གཏན་ལ་ཕབ།། རང་གསལ་དང་དུ་གཏན་ལ
iiif viewer powered by OpenSeadragon
