| e-texts navigator |
| Wylie |
237b1 དོན།། སྒྲ་ཚིག་བྲལ་བའི་དགོངས་པ་ཡིས།། མ་ནོར་ངེས་པར་གཏན་ལ་ཕབ།། ཆོས་ཉིད་རྡོ་རྗེ་མཆོག་གི་སྒྲ།། མ་བརྗོད་རང་གསལ་རིག་པས་ཐོས།། བརྗོད་བྲལ་གསང་བའི་ངེས་དོན་འདི།། བརྗོད་པས་གཏན་ལ
237b2 ཕེབས་མི་འགྱུར།། ཉི་མ་རང་གསལ་ཇི་བཞིན་དུ།། རང་ལ་དེ་བཞིན་ཉིད་དུ་སྟོན།། ཆོས་ཉིད་རྡོ་རྗེ་འཇིག་མཐའ་མེད།། མ་སྐྱེས་གདོད་ནས་དག་ཕྱིར་རོ།། སྙིང་པོ་དགོངས་པ་ཀུན་འདུས་པ།། རང་གསལ་ཉིད་དུ
237b3 གཏན་ལ་ཕབ།། མ་བཅོས་དག་པའི་ཆོས་སྐུ་ནི།། རྡོ་རྗེ་ནམ་མཁའི་སྤྱོད་ཡུལ་ལ།། མ་ཡེངས་རྐྱེན་བྲལ་སྙིང་པོ་ཡིས། གསེར་ལ་གསེར་བཞིན་གཏན་ལ་ཕབ།། ཅིར་ཡང་མི་དགོངས་དེ་བཞིན་ཉིད།། གསལ་ལ
237b4 དམིགས་བྲལ་དེ་ཁོ་ན།། ཆུ་ལ་ཆུ་ལྟར་དེ་བཞིན་ཉིད།། རིག་པ་རང་གནས་མཆོག་ཏུ་གནས།། རྣ་བརྒྱུད་རིག་པའི་པྲ་ཁྲིད་ཀྱིས།། རང་གསལ་ཡེ་ཤེས་གཏན་ལ་འབེབས།། བརྗོད་མེད་དོན་ལ་དེ་ཉིད་ཀྱི།། ལུང་དང
237b5 མན་ངག་མཚོན་པའི་སྒོས།། ཡེ་ཤེས་གསང་བ་གཏན་ལ་ཕབ།། མ་ནོར་ངེས་པའི་དགོངས་པར་གཏུགས།། ཇི་བཞིན་རིག་པའི་དཀྱིལ་འཁོར་ལ།། དེ་བཞིན་གསལ་བའི་བློ་ཡིས་འཇུག། འོད་གསལ་ཉམས་ཀྱི་སྙིང
237b6 པོ་ནི།། བདེ་ལ་མི་རྟོག་གསལ་བའི་ངང་།། ཕྱོགས་བྲལ་ལྟ་བ་གཟའ་གཏད་མེད།། འཛིན་བྲལ་ཏིང་འཛིན་ཅིར་མི་དགོངས།། བསམ་དང་བྲལ་ལོ་འདུ་ཤེས་སྤངས།། གཅིག་ཏུ་གནས་ཀྱང་ཁྱབ་པར་གསལ།། རྣམ
iiif viewer powered by OpenSeadragon
