| e-texts navigator |
| Wylie |
237a1 འདུས།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཀློང་དགུ་རྩ་བ་གཅིག་ཏུ་འདུས་པར་བསྟན་པའི་ལེའུ་སྟེ་ཉི་ཤུ་གཉིས་པའོ།། །། དེ་ནས་སེམས་དཔའ་རྗེ
237a2 རྗེ་དམ་པ་དེས་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། ནམ་མཁའ་མཐའི་མཉམ་གསང་བའི་རྒྱུད།། རྡོ་རྗེ་སྙིང་པོའི་དོན་འདི་གང་།། གཏན་ལ་ཕབ་པ་བཤད་དུ་གསོལ།། ཞེས་གསོལ
237a3 ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། དུས་གསུམ་རྒྱལ་བའི་དགོངས་པའི་དོན།། ནམ་མཁའི་མཐའ་དང་མཉམ་པའི་རྒྱུད།། རྡོ་རྗེ་སྙིང་པོ་བླ
237a4 ན་མེད།། མ་ནོར་ངེས་པར་གཏན་ལ་ཕབ།། རང་བཞིན་དགོངས་པའི་ཆོས་སྐུ་ཡང་།། མ་ནོར་གཏན་ལ་ཕབ་པའོ།། རང་བཞིན་ཕྱི་ནང་ཆོས་ཀྱི་དབྱིངས།། རྣམ་དག་འོད་གསལ་དཀྱིལ་འཁོར་ལ།། མ་བཅོས་རང
237a5 སལ་དགོངས་པ་རུ།། རང་གི་ངང་གིས་གཏན་ལ་དབབ།། བྱ་བྲལ་རྫོགས་ལུང་བསྟན་པ་ནི།། གཉིས་མེད་ཡེ་ཤེས་རྡོ་རྗེའི་ལུང་།། རང་གསལ་རིག་པའི་སྙིང་པོ་ནི།། རང་གིས་རང་ལ་གཏན་ལ་ཕབ།། ཆོས
237a6 དབྱིངས་རིག་པའི་འོག་མིན་ཏེ།། རིག་པ་མཆོག་གི་གཞལ་ཡས་སུ།། སྟོན་པ་རྡོ་རྗེ་སེམས་དཔའ་ཡིས།། རང་གསལ་རིག་པའི་འཁོར་རྣམས་ལ།། རྡོ་རྗེ་འོད་གསལ་བདེ་བའི་ལུང་།། སྙིང་པོར་རང་གསལ་བཅུད་ཀྱི
iiif viewer powered by OpenSeadragon
