| e-texts navigator |
| Wylie |
236b1 ལྔ་པོར་སྣང་བ་ཡང་།། རྩ་བ་རང་གསལ་བྱང་ཆུབ་སེམས།། རིག་པ་རང་གསལ་དོན་ལ་གནས།། མི་གཡོ་མི་རྟོག་ཅིར་མི་དགོངས།། འཇིག་རྟེན་འོད་ཀྱི་རྒྱལ་པོ་ལྟར།། ཀུན་གསལ་སྙིང་པོ་གཅིག་ལ་འདུས།། འོད
236b2 གསལ་བདེ་བ་རྣམ་རྟོག་ལམ།། གསལ་དང་མི་གསལ་ཆོས་མི་གནས།། ཐ་སྙད་བྲལ་བའི་རིག་པར་གསལ།། རིན་ཆེན་འབར་བའི་གསེར་གླིང་ལྟར།། དེ་ལས་གཞན་པའི་ཆོས་མེད་ལ།། མིང་དང་དབྱིབས་དང་ཆེ
236b3 ཆུང་དང་།། ལས་དང་བརྟགས་པ་ཐ་དད་དེ།། ངོ་བོ་གཅིག་ལ་གནས་པ་མེད།། གསེར་ལ་གསེར་དུ་མཐོང་བ་བཞིན།། རང་གསལ་རིག་པ་དེ་ལྟར་བལྟ།། གསེར་ལ་གཉིས་པ་མི་གནས་ལྟར།། རང་གསལ་དོན་ལ
236b4 གཉིས་པ་མེད།། གསེར་གྱི་རང་བཞིན་མི་འགྱུར་ལྟར།། རང་གསལ་རྐྱེན་གྱིས་འགྱུར་བ་མིན།། རང་ལ་མི་བསམ་གསལ་བ་ལྟར།། མི་འཛིན་རང་གསལ་བསམ་བྲལ་ལུང་།། གདོད་ནས་མ་བཅོས་དག་པ
236b5 ལྟར།། འོད་གསལ་རང་བཞིན་ཡེ་ནས་དག། ཅིར་ཡང་འགྱུར་ཞིང་སྣང་བ་ལྟར།། འོད་གསལ་རིག་པའི་ཁྱད་པར་ལ།། དབང་པོ་མོས་པའི་ཁྱད་པར་གྱིས།། ཇི་ལྟར་བལྟས་པ་དེ་ལྟར་སྣང་།། ཅི་ཡང་མ་ཡིན་སྙིང་པོ
236b6 ནི།། རང་བྱུང་རིག་པའི་འཁོར་ལོ་ཅན།། སྒྲོ་སྐུར་ཐེ་ཚོམ་རྣམ་པར་གཅོད།། རིག་པ་ཡེ་ཤེས་རྐྱེན་དང་བྲལ།། རང་ལ་རང་གིས་གསལ་བར་སེམས།། ཀུན་གྱི་དགོངས་པའི་དོན་རྣམས་ཀུན།། རྩ་བ་བྱང་ཆུབ་སེམས་ལ
iiif viewer powered by OpenSeadragon
