| e-texts navigator |
| Wylie |
236a1 པའི་མན་ངག་ཐུགས་ཀྱི་ལུང་།། ངེས་པར་གཏན་ལ་ཕེབས་པ་མེད།། ཡེ་ཤེས་གསལ་བའི་ངོ་བོ་ལ།། ཡེ་ནས་རིག་པ་མཆོག་ཏུ་གསལ།། སངས་རྒྱས་ཀུན་གྱི་དགོངས་པའི་ལུང་།། ཡེ་ཤེས་འོད་གསལ
236a2 མཆོག་གི་ལུང་།། སངས་རྒྱས་ཀུན་ཀྱང་འདི་ལ་གནས།། སྒྲིབ་བྲལ་ཕྱོགས་མེད་ཅི་ཡང་གསལ།། ཆོས་ཀུན་རྩ་བ་སེམས་ཀྱི་ལུང་།། འདི་ནི་རང་བྱུང་ལྷ་ཡི་ལྷ།། ཀུན་འདུས་མེ་ལོང་ཐབས་ཆེན་པོ།། སྙིང་པོའི་མདོ
236a3 ཉིད་ཡིན་པར་བཤད།། ཐེག་པ་ཀུན་གྱི་རྩ་བ་ནི།། རྫོགས་ཆེན་བརྡལ་བ་ཉིད་ཡིན་ལ།། དེ་ཉིད་ཀློང་དགུར་འདུས་པ་ཡང་།། རྩ་བ་བྱང་ཆུབ་སེམས་སུ་འདུས།། ཀུན་གྱི་རྩ་བ་སེམས་འདི་ནི།། རང་གསལ་ངེས་པ
236a4 གཅིག་གི་ངང་།། འདི་མེད་རྒྱལ་བ་མི་སྲིད་ལ།། ཐེག་པ་འབྱུང་བར་མི་སྲིད་དོ།། ཆོས་ཀུན་རང་གསལ་འདིར་འདུས་ལ།། སུ་ཞིག་མན་ངག་ངེས་པ་ཡིས།། དོན་འདི་གཏན་ལ་ཕེབས་པ་ཡིས།། ཆོས་ཀུན་གཏན་ལ
236a5 ཕེབས་པ་ཡིན།། སངས་རྒྱས་ཀུན་གྱི་རྩ་བ་ནི།། རྡོ་རྗེ་སེམས་དཔའ་ཉིད་ཡིན་ནོ།། ས་དང་ལམ་གྱི་རྩ་བ་ནི།། འོད་གསལ་རིག་པ་མཆོག་གི་ས།། དོན་འདི་རྟོགས་པས་བགྲོད་མི་དགོས།། ས་འདི་ཐོབ་པས་སྦྱང་མི
236a6 དགོས།། སངས་རྒྱས་ཀུན་དང་དེ་ཡི་སྲས།། ཀུན་ཀྱང་རྩ་བ་བྱང་ཆུབ་སེམས།། བཅོས་མེད་རིག་པའི་དོན་རྟོགས་ནས།། རང་གསལ་ཡེ་ཤེས་འོད་ལ་བཞུགས།། འགྲོ་ལྔ་ཁམས་གསུམ་རིས་དྲུག་དང་།། ཉོན་མོངས
iiif viewer powered by OpenSeadragon
