| e-texts navigator |
| Wylie |
235a1 པའི་ཆོས་མི་གནས།། ཕྱོགས་མེད་རང་གསལ་ཡེ་ཤེས་ལ།། ཕྱོགས་མཚམས་གཟུང་འཛིན་ཡེ་ནས་དབེན།། རྩོལ་བྲལ་རིན་ཆེན་ཕུང་པོ་ལ།། མ་རྫོགས་པ་ཡི་ཆོས་མི་གནས།། མཐའ་དབུས་མེད་པའི
235a2 གཞལ་ཡས་ལ།། ཚད་དང་དམིགས་པ་ག་ལ་ཡོད།། རྡོ་རྗེ་སེམས་དཔའ་གསང་བའི་ལུང་།། ཀློང་དགུ་བསྟན་པ་ཀུན་གྱི་བཅུད།། རིག་པ་རང་གསལ་མེ་ལོང་ནི།། ཐམས་ཅད་ཀུན་གྱི་རང་བཞིན་གནས།། ཞེས
235a3 གསུངས་སོ།། ནམ་མཁའི་མཐའ་དང་མཉམ་པར་སྦྱོར་བའི་རྒྱུད་ཆེན་པོ་ལས། ཀློང་དགུ་ཕྱེ་བའི་ལེའུ་སྟེ་ཉི་ཤུ་གཅིག་པའོ།། །། དེ་ནས་སེམས་དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ།། རྒྱལ་བ་ཀུན
235a4 གྱི་དགོངས་པའི་ཐུགས།། ཀློང་དགུའི་རིན་ཆེན་གསལ་བྱེད་ལུང་།། བསྡུས་པས་ངེས་པ་ཇི་ལྟར་གསལ།། བཅོམ་ལྡན་སྙིང་པོས་བཤད་དུ་གསོལ།། ཞེས་ཞུས་སོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས
235a5 འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། ཀློང་དགུའི་རྩ་བ་གཅིག་ལ་འདུས།། དཔེ་ནི་གསེར་དང་མཚུངས་པ་ལ།། དོན་ནི་རྩ་བ་བྱང་ཆུབ་སེམས།། རྟོགས་ཚུལ་གཉིས་མེད་ཡེ་ཤེས་ཏེ།། སྙིང་པོ་བྱང
235a6 ཆུབ་སེམས་ཀྱི་ལུང་།། སེམས་ཉིད་བཅོས་མེད་རང་གསལ་ལ།། གཉིས་བྲལ་རིག་པ་ཅིར་མི་འཇུག། མཐའ་དང་དབུས་བྲལ་འོད་གསལ་ལ།། གཉིས་ཀྱི་འདུ་ཤེས་སྨོས་ཅི་དགོས།། བདེ་སྡུག་འགྲོ་འོང་མཐའ་ཡས
iiif viewer powered by OpenSeadragon
