| e-texts navigator |
| Wylie |
234b1 བའི་འཁོར་ལོ་ནི།། ཀུན་ལ་བསྐོར་ཞིང་དབྱིངས་སུ་འདུས།། བརྗོད་བྲལ་ཆོས་ཀྱི་རང་བཞིན་ནི།། བརྗོད་བྱ་ཀུན་གྱི་སྙིང་པོར་གསལ།། སྒྲ་བྲལ་རིག་པའི་བསྟན་པ་ནི།། ཇི་ལྟར་འདོད་པ་བཞིན་དུ་གསལ།། ཀློང་དགུ
234b2 བསྟན་པ་ཀུན་གྱི་སྤྱི།། རང་གསལ་མེ་ལོང་རྫོགས་པའི་ལུང་།། ཐམས་ཅད་ཡེ་ཤེས་རང་གསལ་བས།། སྒྲིབ་པའི་ཆོས་དང་གདོད་ནས་བྲལ།། སྤྲོས་བྲལ་ནམ་མཁའི་རང་བཞིན་ལ།། དྲན་དང་རྟོག་པ་གང་ཡང
234b3 མེད།། མ་བཅོས་ཆོས་ཉིད་འོད་གསལ་ལ།། བཅོས་པའི་སྤྱོད་པ་ཕྱིན་ཅི་ལོག། རིན་ཆེན་ཀློང་གི་དོན་རྟོགས་ན།། ཐམས་ཅད་གསང་བའི་ལམ་དུ་གསལ།། ཡེ་ནས་ཕྱག་རྒྱའི་ངོ་བོ་ལས།། ལུས་ཀྱིས་རྩོལ་བའི་ལས་མི
234b4 བྱེད།། རྩོལ་བྲལ་རིག་པའི་གསུང་གོ་བས།། བཟླས་དང་འཕྲོ་འདུའི་ལས་མི་བྱེད།། རང་གསལ་རིག་པའི་ཀླུང་ཞུགས་པས།། རྡོ་རྗེ་བཅོས་བྲལ་འོད་གསལ་སེམས།། དོན་གཅིག་དེ་ཉིད་གཞི་དགུ་ལ།། ཇི་ལྟར་འདོད
234b5 པའི་དོན་ལ་སྦྱར།། རང་གསལ་རིག་པའི་དོན་དང་འཕྲད།། གདོད་ནས་ཞི་བའི་རང་བཞིན་ལ།། མཚན་མའི་སྒྲོ་སྐུར་ཆོས་མི་འཇུག། སངས་རྒྱས་སེམས་ཅན་མ་ལུས་ལ།། རྐྱེན་བྲལ་རང་གསལ་བསྒྲིབ་མེད
234b6 གཅིག། དམིགས་བྲལ་རིག་པའི་ཚུལ་གྱིས་ནི།། ཡེ་ནས་ཁྱབ་ཅིང་བརྡལ་བར་གནས།། ཡེ་ནས་མ་བཙལ་སངས་རྒྱས་ལ།། བསྒྲུབ་དང་མི་བསྒྲུབ་ཆོས་མི་གནས།། རིན་ཆེན་འོད་འབར་གསལ་བ་ལ།། གོལ་དང་སྒྲིབ
iiif viewer powered by OpenSeadragon
