| e-texts navigator |
| Wylie |
234a1 སུ་རང་གསལ་བས།། བསྐྱེད་བྲལ་རང་གསལ་དཀྱིལ་འཁོར་ཀློང་། ཁམས་གསུམ་རིན་ཆེན་འོད་གདལ་ཏེ།། གཉིས་མེད་རྟོགས་པས་དབང་བསྒྱུར་ཞིང་།། རིག་པ་ཀུན་ཁྱབ་བརྡལ་བ
234a2 ནི།། རྒྱལ་ཐབས་སྤྱི་བླུགས་དབང་གི་ཀློང་།། བསྲུང་མེད་སེམས་ཀྱི་རང་བཞིན་ནི།། ལྷག་པའི་དམ་ཚིག་བཞི་ལ་གནས།། ཐིག་ལེ་ཉིད་ལས་མི་འདའ་བས།། བསྲུང་བྲལ་དམ་ཚིག་འདའ་མེད་ཀློང་།། བྱ་བྲལ་འོད
234a3 གསལ་ཆོས་དབྱིངས་ལ།། ཕྲིན་ལས་རྩོལ་མེད་ལྷུན་གྲུབ་པས།། འོད་གསལ་ཡེ་ཤེས་ཕྱོགས་རིས་མེད།། རྩོལ་མེད་ཕྲིན་ལས་མཆོག་གི་ཀློང་།། བསམ་མེད་དམིགས་བྲལ་ཆོས་དབྱིངས་ལ།། ཡེ་ཤེས་རང་གསལ
234a4 རིག་པའི་ཀློང་།། ཡེངས་མེད་འོད་གསལ་རིག་པས་བཞག། བཅོས་མེད་དགོངས་པ་ཉིད་ཀྱི་ཀློང་།། འཁོར་བ་ཡེ་ནས་སངས་རྒྱས་ལ།། གཞན་དུ་བགྲོད་པའི་ཡུལ་བྲལ་ནས།། ལམ་དང་ས་ལ་བགྲོད་མེད
234a5 དེ།། སེམས་ཉིད་མཐར་ཕྱིན་ལམ་གྱི་ཀློང་།། རིན་ཆེན་ཕུང་པོ་གསལ་བྱེད་ལྟར།། རིག་པ་རང་གསལ་ལྷུན་གྲུབ་ལ།། རྒྱུ་དང་རྐྱེན་ལས་མ་སྐྱེས་པ།། རང་བྱུང་འབྲས་བུ་ཡེ་ཤེས་ཀློང་།། ཀློང་དགུ་རིན་ཆེན་འཁོར་ལོ
234a6 ནི།། རང་གསལ་རིག་པའི་འོད་ལས་འཆར།། འཁོར་བ་མ་བཅོས་འོད་གསལ་ལ།། གདོད་ནས་ཉེས་པའི་དྲི་མ་མེད།། སྤྲོས་བྲལ་ཡེ་ཤེས་གསལ་བ་ལ།། གཉིས་མེད་རིག་པའི་སྟོབས་ཀྱིས་འཇུག། མན་ངག་གསང
iiif viewer powered by OpenSeadragon
