| e-texts navigator |
| Wylie |
233b1 ཀུན་གྱི་གསང་།། སེམས་ཅན་སངས་རྒྱས་གཉིས་སུ་མེད།། བཅོས་མེད་རྣམ་གྲོལ་རིག་པའི་ཐུགས།། བྱ་བཙལ་ཀུན་བྲལ་ཡེ་སངས་རྒྱས།། དེ་ཉིད་དགུ་ལྡན་སེམས་ཀྱི་གཞི།། རིན་ཆེན་ལམ་གྱིས་གོམས་པར
233b2 བླང་།། རང་བྱུང་རིག་པའི་ཡེ་ཤེས་ནི།། རྩོལ་མེད་རང་ཤར་ཐོབ་པར་འགྱུར།། རིག་པ་མཆོག་གི་དཀྱིལ་འཁོར་ནས།། ཡེ་ཤེས་རིག་པའི་འོད་ཀྱིས་གད་ལ།། བརྗོད་མེད་རིག་པའི་བསྟན་པ་ལ།། ཡེ་ཤེས་གསལ་བའི
233b3 གསུང་མཆོག་གིས།། མ་བརྗོད་པས་ནི་གཏན་ལ་ཕབ།། འོད་གསལ་ཡེ་ཤེས་རིག་པ་ལས།། ཀློང་དགུ་བསྟན་པ་དུས་གཅིག་འཆར།། རིན་ཆེན་འོད་གསལ་ཐིག་ལེ་ནི།། གསལ་བའི་མཚན་མ་མཐོང་བྱའི
233b4 ཕྱིར།། ཀློང་དགུ་བམ་པོ་ཉི་ཁྲི་ཉིད།། རིན་ཆེན་གསལ་བྱའི་ཆེད་དུ་གསུངས།། རིན་ཆེན་འོད་འབར་སེམས་ཀྱི་མཐའ།། ཐེག་པའི་རྩ་བ་ཅིར་བསྟན་པ།། རྫོགས་ཆེན་བྱང་ཆུབ་ཐེག་པ་འདི།། ཀློང་དགུར་མ་འདུས
233b5 བསྟན་པ་མེད།། རང་གསལ་རིག་པ་མཐའ་དབུས་མེད།། ཅིར་སྣང་ཅིར་ལྟ་ཅིར་མི་དམིགས།། ཡུལ་བྲལ་རིག་པ་བསམ་ཡུལ་འདས།། ལྟ་བ་གཟའ་བྲལ་སེམས་ཀྱི་ཀློང་།། འོད་གསལ་ཡེ་ཤེས་སྤྱོད་པ་ལ།། ནམ
233b6 མཁའ་མཚན་འཛིན་མི་གནས་བཞིན།། བླང་དོར་སྤང་འཛིན་མི་གནས་པར།། སྤྱོད་པ་བག་ཡངས་བདེ་བའི་ཀློང་།། བསྐྱེད་བྲལ་རིག་པའི་དཀྱིལ་འཁོར་ལ།། མཐའ་ཡི་ཞེན་པའི་ཆོས་བྲལ་ཞིང་།། བྱང་ཆུབ་སེམས
iiif viewer powered by OpenSeadragon
