| e-texts navigator |
| Wylie |
233a1 ལུགས་འཛིན་པ་དང་།། རྣ་བརྒྱུད་གདམས་ངག་འཛིན་པ་དང་།། གསང་བ་མི་འཕེལ་སྡོམ་པ་དང་།། དགོན་པར་གནས་ཤིང་དོན་མཁས་དང་།། མི་སྨྲ་སེམས་ལ་ཟུངས་སུ་འཛིན།། བདུད་གྱིས་བསྟན
233a2 པ་འཕེལ་བར་འགྱུར།། དེ་ནས་ལྔ་བརྒྱ་ཐ་མ་ལ།། ཉོན་མོངས་རང་དགར་ཞེན་པ་དང་།། དོན་ལ་ཞེན་པའི་མཐུ་མེད་ཅིང་།། སྣོད་ལྡན་གང་ཟག་མེད་པ་དང་།། མ་ནོར་ངེས་པའི་བླ་མ་རྣམས།། གདུང་བརྒྱུད་ཆད་པར
233a3 གྱུར་པའི་མཐུས།། རྣ་བརྒྱུད་ཐུགས་ཀྱི་བཅུད་བྲལ་ནས།། ལས་དང་སྐལ་བར་མི་ལྡན་པའི།། གང་ཟག་མང་དུ་འདུས་པའི་མཐུས།། ལས་དང་ཐུགས་རྗེ་སྐལ་མེད་པས།། ཡང་གསང་རྨད་བྱུང་ཐེག་པ་འདི།། འཛམ
233a4 གླིང་དབུས་སུ་ནུབ་པར་འགྱུར།། སྤྲུལ་པའི་བསྟན་པ་ཐ་མའི་ཚེ།། མ་འོངས་དུས་ན་འཇིག་རྟེན་འདིར།། འདི་ལྟར་ངེས་པར་འབྱུང་བར་འགྱུར།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ
233a5 ལས། ལུང་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། ཡང་གསང་རྨད་བྱུང་རོལ་པའི་མཆོག། ལུང
233a6 བསྟན་སྐལ་ལྡན་གང་ཟག་ལ།། ཀློང་དགུའི་བསྟན་པ་ཇི་ལྟར་འཆར།། ཞེས་ཞུས་སོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། དེ་བཞིན་གཤེགས་པ
iiif viewer powered by OpenSeadragon
