| e-texts navigator |
| Wylie |
232b1 བྱེད་དང་།། རྣ་བརྒྱད་གདམས་ངག་མི་ལྡན་པར།། རང་བརྟགས་ཞེན་པས་འཆད་པ་དང་།། ལྷག་པའི་ཆེ་བ་འདོད་པ་དང་། ཁེ་དང་གྲགས་པ་གཙོར་བཞག་ནས།། ངེས་དང་མ་ངེས་ཀུན་བསྡུས་ནས།། འདུས་པའི
232b2 ཚོགས་ལ་འཆད་པ་དང་།། ལྟ་བ་ཡས་བབས་བཙན་ཐབས་དང་།། བརླང་པོའི་ངག་དང་སྤྱོད་པ་དང་།། རྣམ་པར་དཀར་བའི་ལས་བོར་ཏེ།། སྤང་བའི་ལས་དག་སྤྱད་པ་ཡིས།། འཇིག་རྟེན་དཔྱས་ཀ་སྒྲོགས་པ
232b3 དང་།། སྐྱེ་བོ་ཀུན་གྱིས་སྨོད་པ་དང་།། ཐུན་མོང་ཐེག་པ་སྤངས་པའི་མཐུས།། གསང་བ་དམ་པ་ནུབ་གྱུར་ནས།། དེ་ཚེ་སྐྱེ་བོ་དེ་དག་ཀུན།། རྡོ་རྗེའི་ཁབ་ཏུ་ལྟུང་གྱུར་ནས།། ཐེག་ཆེན་བྱང་ཆུབ་སེམས་དང་བྲལ།། དེ
232b4 བས་དགོངས་ལུང་དམ་པ་དེ།། གང་ཟག་ངན་པས་བསྒྲུབ་པར་འགྱུར།། དེ་ནས་ཡང་གསང་ཐེག་པ་འདི།། འཛམ་གླིང་དབུས་སུ་རྒྱས་འགྱུར་ནས།། སྐལ་ལྡན་རྩོལ་མེད་ཐེག་པ་ཡིས།། སངས་རྒྱས་ས་ལ་འགྲོ་བར
232b5 འགྱུར།། དེ་ནས་ལྷོ་ཕྱོགས་རྒྱུད་དུ་ནི།། གསང་བ་དམ་པ་རྒྱས་གྱུར་ནས།། གང་ཟག་དམ་པ་ཀུན་གྱིས་ནི།། རྩོལ་མེད་འབྲས་བུ་ཐོབ་པར་འགྱུར།། དེ་ནས་གསང་བ་འཕེལ་བའི་མཐུས།། རྣམ་པར་རྩོད་པའི་གཞིར
232b6 གྱུར་ནས།། ཐེ་ཚོམ་མི་མཐུན་གཞུང་མང་བས།། སྐལ་ལྡན་འབྲལ་བའང་འབྱུང་བར་འགྱུར།། དེ་ཡི་དུས་ན་གང་ཟག་ནི།། རྒྱུ་དེས་འཚོ་བ་མཁས་པ་དང་།། རང་གསལ་དོན་ལ་བསྒོམ་པ་དང་།། ངེས་པའི་གཞུང
iiif viewer powered by OpenSeadragon
