| e-texts navigator |
| Wylie |
232a1 ཡིས།། མཐའ་འཁོབ་ཡུལ་དུ་དར་བར་འགྱུར།། དེ་ཚེ་རིགས་ཅན་དམ་པའི་སྲས།། རྒྱལ་བའི་ས་ལ་གནས་པར་འགྱུར།། སྐལ་མེད་སྒྲ་བཞིན་སྤྱོད་པ་དག། ངན་འགྲོ་ལོག་པའི་གནས་སུ་འགྱུར།། རང
232a2 གི་རྣམ་རྟོག་མི་མཐུན་པས།། རང་གསལ་གཉིས་མེད་ཡེ་ཤེས་ལ།། ཡིན་དང་མ་ཡིན་ཆ་འཛིན་ཅིང་།། རྩོད་པ་འཕེལ་བ་ཉིད་དུ་འགྱུར།། དེ་ཚེ་དམ་པའི་རིགས་ཅན་ཡང་།། ཐེ་ཚོམ་ཟ་བས་མི་འགྲུབ་ཅིང་།། ཀུན་ལ
232a3 རྒྱས་པར་བསྒྲགས་པའི་མཐུས།། ཐུན་མོང་ཐེག་པས་སྐུར་བ་དང་།། ཆོས་ལ་བྱིན་རླབས་ཆུང་བ་དང་།། དེ་ཚེ་དུར་རྐུན་སེམས་འཛིན་པས།། དམིགས་པ་རྩེ་གཅིག་མེད་པ་ཡིས།། གྲུབ་མཐའ་རིང་བས་སྐུར་བ
232a4 དང་།། ཀུན་གྱིས་སྐུར་བའི་གནས་སུ་འགྱུར།། བདག་བསྟོད་གཞན་སྨོད་བྱེད་པ་དང་།། ཉོན་མོངས་རྩོད་པ་འཕེལ་གྱུར་ནས།། ཕྱོགས་རིས་ཞེན་པའི་ནུས་མཐུ་ཡིས།། རང་གསལ་འོད་ཀྱང་གསལ་མི་འགྱུར།། དེ
232a5 ནས་ཐུགས་རྗེ་སྐལ་མེད་པས།། གསང་བའི་ལུང་འདི་ནུབ་པར་འགྱུར།། གཞན་གྱིས་ནུབ་པར་མི་འགྱུར་ཏེ།། སེང་གེའི་ཁོག་པ་རང་འཇིག་ལྟར།། ང་ཡི་སྲས་སུ་ཁས་བླངས་པས།། གསང་བའི་ལུང་འདི་ནུབ་པར
232a6 བྱེད།། དེ་ཡང་ཇི་ལྟར་འགྱུར་ཞེ་ན།། ཆོས་ལ་ཕྱོགས་རིས་བཟུང་བ་ཡིས།། རྩོད་པའི་ལས་སུ་འགྱུར་བ་དང་།། རང་གསལ་ཉམས་དང་མི་ལྡན་པར།། རྣམ་པར་དཀར་བའི་ལས་བོར་ནས།། ཉོན་མོངས་ཞེན་པའི་ལས
iiif viewer powered by OpenSeadragon
