| e-texts navigator |
| Wylie |
231b1 མཚན་སྤྲུལ་པའི་ཆ་འཛིན་པས།། ཡང་སྦྲུལ་ཐུགས་ཀྱི་སྲས་བདུན་ལ།། རིགས་པའི་དཀྱིལ་འཁོར་སྒོ་ཕྱེ་ནས།། རྒྱལ་ཐབས་སྤྱི་བླུགས་དབང་བསྐུར་ནས།། གསང་བའི་ལུང་འདི་སྟོན་པར་འགྱུར།། དེ་ནས་ཡང
231b2 སྦྲུལ་སྐལ་ལྡན་གྱིས།། འཛམ་གླིང་དབུས་སུ་རྒྱས་པར་འགྱུར།། ནོར་བུ་རིན་ཆེན་ལྟར་གྲགས་པས།། ཀུན་གྱི་འདོད་པ་བསྐངས་ཟིན་ནས།། སྐལ་ལྡན་རིག་ལྡན་རྟོགས་པ་ཅན།། སངས་རྒྱས་ས་ལ་གནས་པར
231b3 འགྱུར།། གང་ཞིག་རང་འདོད་རྟོག་པ་དང་།། མཚན་མའི་སྒྲ་ལ་ཞུགས་པ་དང་།། སྐལ་བ་མེད་པའི་མི་རྣམས་ནི།། ངན་འགྲོར་འཁྱམས་པ་ཉིད་འགྱུར་ན།། སྐལ་ལྡན་སྤྲུལ་པའི་སྲས་འདུས་ནས།། མི་མངོན་དབྱིངས
231b4 སུ་སྦེད་པར་འགྱུར།། དེ་ནས་ཐུགས་རྗེ་བྱིན་རླབས་དང་།། དད་པ་ལས་འཕྲོ་ལྡན་པ་ནི།། གཉིས་སུ་མེད་པར་མཐུན་པ་ཡིས།། མཐའ་འཁོབ་ཡུལ་དུ་སྣང་འགྱུར་ནས།། སྐལ་ལྡན་རིགས་བརྒྱུད་འཛིན་པ
231b5 རྣམས།། རང་གསལ་རིག་པའི་དོན་གོ་ནས།། སངས་རྒྱས་ས་ལ་འགྲོ་བར་འགྱུར།། འདི་རྣམས་སྐལ་ལྡན་རྒྱལ་སྲས་ཏེ།། རིགས་སུ་ངེས་པ་ཉིད་དུ་འགྱུར།། རང་གསལ་རིག་པའི་གླེགས་བམ་འདི།། སྐལ་ལྡན་རིམ
231b6 པར་བརྒྱུད་བྱས་ནས།། གསང་བ་རིག་པའི་རྒྱས་བཏབ་ནས།། འཕེལ་དང་ནུབ་པར་མི་འགྱུར་རོ།། དེ་ནས་གསང་བ་འཆོལ་བ་ཡིས།། སྐལ་བར་ལྡན་དང་མི་ལྡན་པའི།། འདུས་པའི་ཚོགས་ལ་བཤད་པ
iiif viewer powered by OpenSeadragon
