| e-texts navigator |
| Wylie |
231a1 བཟུང་།། དངོས་ལ་དེ་ལྟར་མི་གནས་ཀྱང་།། རང་རང་ཞེན་པའི་དབང་གིས་ན།། དེ་ལྟར་སྣང་བའི་འཁྲུལ་གཞིར་གནས།། དག་པའི་ཞིང་ཁམས་གཞལ་ཡས་ཁང་།། མཚན་དང་དཔེ་བྱད་འོད་འབར
231a2 བ།། ཡེ་ཤེས་གསལ་བའི་ངོ་བོར་སྣང་།། དངོས་ལ་དེ་ལྟར་གནས་པ་མེད།། ཅེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཡེ་ཤེས་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས
231a3 སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་རོལ་པ་རྨད་བྱུང་བ།། རང་གསལ་ཡེ་ཤེས་སྙོམས་པའི་མགོན།། འགྲོ་དྲུག་ཡེ་ཤེས་གསལ་བར
231a4 རྟོགས།། མགོན་པོ་ཁྱོད་ལ་གསོལ་བ་ནི།། གསང་བ་རྨད་བྱུང་ཐེག་པ་འདི།། མ་འོངས་དུས་ན་ཇི་ལྟར་འགྱུར།། མགོན་པོས་བདག་ལ་བཤད་དུ་གསོལ།། ཞེས་གསུངས་སོ།། དེ་ནས་དེ་བཞིན་གཤེགས་པ་རྡོ་རྗེ
231a5 སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། ནམ་མཁའི་མཐའ་དང་མཉམ་སྦྱོར་བའི།། རྫོགས་ཆེན་བྱང་ཆུབ་སེམས་ཀྱི་རྒྱུད།། ང་ཡི་དགོངས་པ་གསང་བའི་དོན།། ཡང་གསང་ཐུགས་ཀྱི་རྣ
231a6 བརྒྱུད་འདི།། དགོངས་པ་རྣམས་ཀྱིས་ངེས་བརྒྱུད་ནས།། ལྷ་གནས་གསུམ་དུ་གྲགས་པར་འགྱུར།། དེ་ནས་ཐུགས་རྗེའི་སྤྲུལ་པ་ཡིས།། ཨོཾ་རྒྱན་གླིང་གི་དུར་ཁྲོད་དུ།། ཡང་གསང་ཕུག་ན་གནས་བཅས་ནས།། ཡ
iiif viewer powered by OpenSeadragon
