| e-texts navigator |
| Wylie |
230a1 མེད།། རྩོལ་བྲལ་ཡེ་ཤེས་ཆེན་པོ་ལ།། རྩོལ་བའི་ཆུ་བོ་ཀུན་ལས་འདས།། བདག་གཞན་མ་གསལ་ནམ་མཁའི་ངང་།། ཡུལ་དང་ཡུལ་ཅན་དམིགས་ཡུལ་བྲལ།། གང་ཡང་མ་ཡིན་གདོད་ནས
230a2 སྟོང་།། སྒྲིབ་པ་མེད་པའི་ངོ་བོ་ནི།། བལྟས་པ་མེད་པར་ཀུན་ལ་གསལ།། ཉམས་མྱོང་བདེ་བའི་འདུ་ཤེས་ཡལ།། འདུ་ཤེས་མེད་པའི་འདུ་ཤེས་ཅན།། འབྱུང་འཇུག་སྤངས་པའི་ཐབས་ཀྱིས་ཤེས།། ཀུན་ལ་གསལ
230a3 བའི་ངོ་བོ་ཡང་།། འདི་ཞེས་ཚིག་ཏུ་བསྟན་པ་མེད།། སྟོན་པ་རྡོ་རྗེ་སེམས་དཔའ་ཡིས།། རིག་པའི་འོག་མིན་ཆེན་པོ་རུ།། རིག་པའི་ཡེ་ཤེས་འཁོར་ཚོགས་ལ།། ཡེ་ཤེས་ངོ་བོ་བསྟན་པ་ཡང་།། རང་གསལ་རིག་པའི་ངོ
230a4 བོ་དེ།། མ་བཅོས་རིག་པའི་ཀླུང་ཞུགས་ནས།། དགོངས་པས་གཏན་ལ་ཕབ་པ་ལས།། ཚིག་དང་ཡི་གེར་བསྟན་པ་མེད།། དེ་ཕྱིར་ཡེ་ཤེས་ཆེན་པོ་ནི། ཁྱབ་པ་གསལ་ལ་དངོས་པོ་མེད།། ཡེ་ཤེས་རིག་པའི་ཕོ་བྲང
230a5 དུ།། རང་སྣང་རིག་པའི་འོད་གདལ་བས།། ཅིར་ལྟར་བལྟས་པ་དེ་ལྟར་གསལ།། མཐའ་བྲལ་ཡེ་ཤེས་རྡོ་རྗེར་རིག། མ་བཅོས་ལེ་ནས་རང་གསལ་ལུང་།། ཡེ་ནས་ཤེས་པས་ཡེ་ཤེས་ཡིན།། ལེ་ནས་རིག་པ་ཆེན་པོ
230a6 བས།། རིག་པ་ཡེ་ཤེས་ཆེན་པོ་ཡིན།། མ་བཅོས་ཇི་བཞིན་རིག་པའི་དོན།། གཏན་ལ་ཕེབ་པས་ཡེ་ཤེས་ཡིན།། དགོངས་ལུང་རང་གསལ་རིག་པ་ལ།། གཉིས་མེད་ཡེ་ནས་རིག་པའི་ཕྱིར།། ཡེ་ཤེས་རིག་པ་ཆེན་པོ
iiif viewer powered by OpenSeadragon
