| e-texts navigator |
| Wylie |
229b1 བར་མཁྱེན།། རང་གསལ་རིག་པ་གཉིས་མེད་ལ།། ཐམས་ཅད་མ་ལུས་ཡོངས་རྫོགས་པ།། ཡེ་ཤེས་རྒྱ་མཚོ་མུ་མཐའ་མེད།། ཡེ་ནས་གྲུབ་པས་བྱ་བཙལ་བྲལ།། མ་བསྒྲིབས་གསལ་བའི་རིག་པ་ལ།། ཐམས་ཅད་མ
229b2 ལུས་རྫོགས་པར་ལྡན།། མ་བཅོས་རང་བྱུང་གསལ་བ་ནི།། རྣམ་དག་དབྱིངས་ཉིད་དཀྱིལ་འཁོར་ལ།། གསལ་བའི་འོད་ཀྱིས་མངོན་པར་མཐོང་།། བྱས་པ་མེད་པར་དོན་གྲུབ་པའོ།། ཐམས་ཅད་འབྱུང་བའི་དཀྱིལ
229b3 འཁོར་ནི།། ནམ་མཁའ་ཀུན་འབྱུང་རིག་པའི་སྒོ།། འབྱུང་འཇུག་རིག་པའི་ཐིག་ལེ་ཅན།། བསྐྱེད་པའི་དཀྱིལ་འཁོར་ཡོངས་ཀྱི་སྒོ།། ཀུན་འབྱུང་རིག་པའི་འཁོར་ལོ་བསྒྱུར།། རྣམ་དག་པདྨ་ལྟ་བུ་ཡིས།། རང་གསལ
229b4 རིག་པའི་དཀྱིལ་འཁོར་དེ།། མ་བསྒྲིབས་གསལ་བའི་ཡེ་ཤེས་སོ།། རང་གསལ་སྒྲིབ་མེད་རིག་པའི་ཉམས།། འཛིན་མེད་རིག་པའི་བློ་ཡིས་གདལ།། གསལ་ཡང་དམིགས་ཡུལ་ཀུན་དང་བྲལ།། ཅིར་ཡང་མི་དམིགས
229b5 ཅིས་མ་བསླད།། རྡོ་རྗེ་ནམ་མཁའ་ཁྱབ་པའི་འོད།། བཙལ་བྲལ་རིགས་པ་ཡེ་ནས་གསལ།། མ་སྐྱེས་ཡེ་ནས་གདོད་ནས་བྱུང་།། རང་ལས་བྱུང་བས་གཞན་བྱུང་མིན།། ལྷུན་གྱིས་གྲུབ་པས་ཕྱོགས་རིས་མེད།། རང
229b6 གསལ་རིག་པའི་ཡེ་ཤེས་ལ།། གཞན་གྱིས་རིག་པ་གདོད་ནས་སྟོང་།། ལྷུན་གྲུབ་ཉིད་ལ་ཕྱོགས་མེད་པས།། གསལ་དང་མི་གསལ་ཕྱོགས་དང་བྲལ།། རང་བྱུང་ཉིད་ལ་རྒྱུ་མེད་པས།། བསྐྱེད་བྱ་སྐྱེད་བྱེད་གདོད་ནས
iiif viewer powered by OpenSeadragon
