| e-texts navigator |
| Wylie |
228b1 རང་བཞག་གྱིན་དར་གནས།། དྲག་ད་ལ་ཆུ་བོ་ལྟ་བུའི་དཔེ།། ངེས་པར་རང་གསལ་ཉམས་བླངས་པས།། ཇི་བཞིན་རིག་པའི་ཀླུང་དུ་འཇུག། རྒྱལ་ཚབ་ངེས་པའི་སློབ་མ་ལ།། ལུང་ལྡན་བླ་མས་དོན་བསྟན
228b2 ན།། འཁོར་བ་བྱང་ཆུབ་ལམ་དུ་གསལ།། གཅོང་རོང་ཡེ་ཤེས་གནས་སུ་བོར།། བགྲོད་མེད་བླ་མའི་ས་ལ་འཇུག། ས་གཅིག་མནན་པས་ས་ཀུན་མནན།། རྡོ་རྗེ་སེམས་དཔའ་མཆོག་གི་ས།། ཐམས་ཅད་མཁྱེན་པའི་ཡེ
228b3 ཤེས་ཀྱིས།། མ་འདྲེས་ཡོངས་སུ་རྫོགས་པར་གསལ།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། བགྲོད་ཅིང་སྤྱད་དུ་མེད་པའི་ལེའུ་སྟེ་བཅོ་བརྒྱད་པའོ།། །། དེ་ནས་སེམས
228b4 དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ།། རང་གསལ་རིག་པ་མཆོག་གི་དང་།། ཐམས་ཅད་ཡེ་ཤེས་ཆེན་པོར་མཁྱེན།། དུས་གསུམ་ཆོས་རྣམས་ཐམས་ཅད་ཀུན།། དུས་མཐའ་གཅིག་ལ་གསལ་བར
228b5 རྟོགས།། མགོན་པོ་ཁྱོད་ཀྱི་ཡེ་ཤེས་ནི།། བདག་ལ་གསལ་བར་བཤད་དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། ནམ
228b6 མཁའི་མཐའ་དང་མཉམ་པའི་རྒྱུད།། ཡེ་ཤེས་ངོ་བོ་རྣམ་གྲངས་ནི།། མཚན་ཉིད་སྣང་ཚུལ་རིམ་པ་ནི།། ཡེ་ཤེས་གསལ་བའི་སྒོ་འབྱེད་པའོ།། རང་སྣང་གྲངས་མེད་ཡེ་ཤེས་ནི།། སེམས་དང་ཆོས་དབྱིངས་ནམ་མཁའི
iiif viewer powered by OpenSeadragon
