| e-texts navigator |
| Wylie |
228a1 ཤེས་གསང་བའི་གཏེར་སྒོ་དབྱེ།། དེ་ནས་ཙིཏྟའི་སྒོ་ཕྱེ་ནས།། དབང་པོའི་བྱེ་བྲག་ཐ་དད་པ།། འཕྲུལ་ཚིག་སྒྲ་ཡི་ཚུལ་ནས་བརྟག། ཐབས་སྦྱོར་བཅོས་མའི་ཐབས་གོམས་ནས།། རང་གསལ་རིག་པའི
228a2 དོན་ལ་བཞག། མོས་དང་ཐོས་པ་ཆུང་བ་དང་།། རང་གསལ་རྟོགས་པའི་མཐུ་མེད་ལ།། དེ་ནས་གོམས་པའི་མཐུ་རྙེད་ནས།། རང་གསལ་ལེགས་པའི་དོན་ལ་བཞག། སེམས་ཀྱི་དཀྱིལ་འཁོར་ལེགས་བརྟགས
228a3 ལ།། མཁའ་འགྲོ་དབང་བཙུག་ནན་ཏན་བྱ།། གལ་ཏེ་སྐྱོན་ལྡན་སློབ་མ་ལ།། གསང་བའི་ཉེས་དམིགས་མི་ཤེས་པས།། རྣ་བརྒྱུད་མན་ངག་བསྟན་བྱས་ན།། སྡུག་བསྔལ་དྲག་པོས་སྲོག་བཅད་དེ།། མགྱོགས་འགྲོ་དེ
228a4 ཡི་མྱུར་བ་ལྟར།། བར་མཚམས་མེད་པའི་ཚུལ་གྱིས་ནི།། རྡོ་རྗེའི་གནས་སུ་ལྟུང་གྱུར་ནས།། བྱང་ཆུབ་སེམས་ཀྱི་རིགས་དང་བྲལ།། གོམས་བློས་རིག་པ་ཅིར་མི་འཇུག། དྲན་རྟོག་བློ་ཡི་རྗེས་མི་འབྲང་།། ཇི་བཞིན
228a5 རང་གསལ་མེ་ལོང་ལ།། བཅོས་མེད་རིག་པའི་ཚུལ་གྱིས་བལྟ།། སྣང་ཙམ་ཉིད་ན་ངོ་བོས་སྟོང་།། སྟོང་ཙམ་ཉིད་ན་འོད་དུ་གསལ།། ཡེངས་མེད་འཛིན་བྲལ་ཆོས་དབྱིངས་ལ།། གཉིས་མེད་ཟུག་ཕྲད་ཚུལ་གྱིས
228a6 གསལ།། མར་མེ་མུན་པའི་ཚུལ་བཞིན་དུ།། གཉིས་མེད་རིག་པའི་ཚུལ་དུ་གཅིག། འདུ་ཤེས་གང་དུའང་མི་འཇུག་པའོ།། དྲོད་ཚད་གར་ཡང་མ་འཕྲོས་པའོ།། དྲན་མེད་གང་བཞག་རང་གསལ་བའོ།། བཅོས་མེད
iiif viewer powered by OpenSeadragon
