| e-texts navigator |
| Wylie |
226b1 རྨད་བྱུང་ཡེ་སངས་རྒྱས།། སྒོ་ངའི་ཁྱུང་ཕྲུག་ཉིད་དང་མཚུངས།། རྒྱ་མཚོ་ཆེན་པོའི་ཚུལ་བཞིན་དུ།། སྤྲོ་ཞིང་བསྡུས་པས་རང་ལ་ཐུག། སྙིང་པོ་རང་གསལ་ཡེ་ཤེས་ལ།། མཐའ་ཡི་སྒྲིབ་པ་ཀུན་དང་བྲལ།། རང་གསལ
226b2 རིག་པའི་དཀྱིལ་འཁོར་ནི།། གདོད་ནས་ཉི་མའི་སྙིང་པོ་འདྲ།། དེ་ལྟར་མ་རྟོགས་འགྲོ་བ་ལ།། འཁྲུལ་གཞི་ཡེ་ཤེས་སྙིང་པོས་བྱས།། དེ་ཉིད་རང་གསལ་ཐབས་ལྡན་པས།། དེ་ཉིད་ཤེས་པས་སངས་ཚུལ་ལ།། གློ་བུར
226b3 ཙམ་དུ་རྒྱལ་བས་གསུངས།། གཞི་ལྡན་གློ་བུར་གཉི་ག་ཡང་།། འཁྲུལ་པའི་ལམ་ཡིན་ལོག་པའི་ཆོས།། འཁྲུལ་དང་ལོག་པའི་ཐ་སྙད་ཀྱང་།། དངོས་དང་སེམས་ལ་མི་གནས་ཏེ།། མ་བཅོས་བྱང་ཆུབ་སྙིང་པོ་ལ།། དེ
226b4 དག་ཀུན་གྱི་ཐ་སྙད་བཅད།། མཐའ་མེད་དབུས་ལ་མཐའ་མི་དམིགས།། དབུས་མེད་མཐའ་ཡང་དེ་བཞིན་ཏེ།། དེ་དག་གང་ལའང་མི་དམིགས་པས།། རང་གསལ་རིག་པ་ཉིད་དུ་མཁྱེན།། དགེ་དང་སྡིག་པའི་ཚུལ་ཕྱེ
226b5 ནས།། གཅིག་དང་གཉིས་ཀྱི་སྤང་ལེན་པ།། འདོད་ཁམས་གོང་འོག་གནས་སྐྱེས་པ།། ཐར་པ་མི་ཐོབ་འཆིང་བའི་རྒྱུ།། སྤང་ཞིང་དང་བླངས་སྤྱད་པ་ཡིས།། གཞི་ཐོབ་རིམ་པར་བགྲོད་པ་དེས།། འགྲོ་དོན་མེད་པའི
226b6 ཞིར་གནས་ཏེ།། ཤི་དང་མཚུངས་པའི་འབྲས་བུ་ཡིན།། བདག་མེད་ཕྱེད་དང་གཉིས་རྟོགས་ཏེ།། རྟེན་འབྲེལ་འབྱུང་བཟློག་ཚུལ་བསྒོམས་པས།། གཞན་དོན་འགའ་ཙམ་སྐྲོད་མོད་ཀྱང་།། བྱིས་པའི་འབྲས་བུ་མེད
iiif viewer powered by OpenSeadragon
