| e-texts navigator |
| Wylie |
226a1 ཅན།། རང་ལ་འཁོར་ཞིང་ཉིད་དུ་འདུས།། སྒྲ་བྲལ་བརྗོད་པའི་ཡུ་བ་ཅན།། དེ་ཁོ་ན་ཉིད་སེམས་ཀྱི་ལུང་། ཁྱབ་གདལ་རིག་པ་ཕྱོགས་རིས་མེད།། མངོན་དུ་མི་སྣང་ཁྱབ་པར་གདལ།། གསལ་བ་ཡེ
226a2 ཤེས་སྙིང་པོ་ཅན།། རིག་པ་རང་གསལ་དབྱིངས་ལ་རྫོགས།། རང་བཞག་ཡེ་ཤེས་དབྱིངས་ཉིད་ལ།། གསལ་འབར་རིག་པས་གསོར་ཞིང་འབིགས།། རིག་པ་རང་གསལ་ཡེ་ཤེས་ཉིད།། མེད་ན་མི་འབྱུང་དེ་ཕྱིར
226a3 ལམ།། རང་བྱུང་རིག་པའི་འཁོར་ཚོགས་ལ།། སྒྲ་བྲལ་རིག་པའི་བསྟན་པ་སྒྲོགས།། རིག་པ་ནམ་མཁའ་རྒྱས་པའི་མཐའ།། སྤྲོ་བསྡུ་མེད་པའི་དབྱིངས་ལ་གཏུགས།། རང་བྱུང་རིག་པའི་ཡུ་བ་ལ།། གཉིས་མེད་རིག་པ
226a4 མཆོག་གིས་འཛིན།། རང་གསལ་མཐའ་བྲལ་རྒྱས་བཏབ་ནས།། འདའ་བ་མེད་པའི་ཚུལ་དུ་གནས།། ཞེན་པའི་རྣམ་རྟོག་ཁྲི་ཕྲག་ཀྱང་།། འོད་གསལ་དབྱིངས་ལ་སྤྲོ་ཞིང་འདུ།། རྣམ་རྟོག་ཡེ་ཤེས་དབྱིངས་ཀྱི
226a5 ལུང་།། གཅིག་ཏུ་གསལ་བ་ཅིར་ཡང་འབྱུང་།། དེ་ཉིད་རང་ཤར་ཅིར་མི་བལྟ།། རང་ལ་རང་བལྟ་ཅིར་མི་མཐོང་།། རྫས་ཀྱི་ཁྱད་པར་ཅི་བགྲོད་ཀྱང་།། གསེར་ལ་གཉིས་པ་ཡེ་ནས་མེད།། ས་དང་ལམ་ལ་ཅི་བགྲོད
226a6 ཀྱང་།། རང་གསལ་རིག་པ་བགྲོད་དང་བྲལ།། རིག་པའི་འོག་མིན་ཆོས་ཀྱི་དབྱིངས།། རིག་པ་རང་གསལ་འབར་བའི་གནས།། རྒྱལ་བ་ཀུན་གྱི་གསང་བའི་གནས།། གཞན་མེད་ཡེ་ནས་རང་གསལ་ལུང་།། འཁོར་བ
iiif viewer powered by OpenSeadragon
