| e-texts navigator |
| Wylie |
225b1 ལུང་།། གཉིས་མེད་མཐའ་བྲལ་ཆོས་ཀྱི་དབྱིངས།། མྱ་ངན་འདས་མིན་འཁོར་བའང་མིན།། དབུ་མའམ་གཉི་གའང་མ་ཡིན་ཏེ།། མ་བཅོས་ཞི་བའི་སྙིང་པོ་ལ།། བཙལ་ཞིང་བགྲོད་པ་བཅོས་མའི་ལམ།། མཐར་ཐུག
225b2 མེད་པའི་སངས་རྒྱས་སྲས།། ཕྱོགས་བཅུ་མཐའ་ཡས་ཀུན་བགྲོད་པས།། རིག་པ་རང་གསལ་དབྱིངས་ལས་མེད།། དེ་ཉིད་ཉམས་མྱོང་ཀུན་དང་བྲལ།། འོད་གསལ་ཡེ་ཤེས་བདེ་བའི་ཀློང་།། རྡོ་རྗེ་སེམས་དཔའ
225b3 དགྱེས་ཆེན་མཆོག། ཡེངས་མེད་མཚན་མའི་རྒྱུད་དང་བྲལ།། འདི་ནི་རང་བྱུང་རྨད་གྲགས་ལུང་།། འོད་གསལ་རིག་པའི་བརྡའ་མཇལ་ན།། ཤི་ལེ་ན་ལེ་དྲ་ཡི་ཚུལ། ཤྲཱི་ན་ལེནྡ་དང་མཚུངས་ཀྱང་།། ལྐུགས་པས་དགའ
225b4 བའི་རོ་མྱོང་བས།། ཚིག་མཚོན་པ་ཡི་ཐབས་དང་བྲལ།། བདེ་ཆེན་རོ་ཡིས་ཁྱབ་པ་ཀུན།། མི་མཉམ་ཚད་འདི་མཐའ་དང་བྲལ།། ཕྱིན་མེད་ལམ་ལ་བགྲོད་དུ་མེད།། ས་བཅུ་ལམ་ལྔ་རྣམ་རྟོག་ཡིན།། མཐའ་ཡས་ཆོས
225b5 དབྱིངས་རང་གསལ་ལ།། གང་ལྟར་ཕྱིན་པ་དེ་ཉིད་དང་།། རང་གསལ་ནམ་མཁའི་གཞལ་ཡས་ལ།། བྱིན་པས་ཟད་པ་ག་ལ་ཡོད།། རང་གསལ་འོད་ལ་རྟག་ཏུ་གནས།། དེ་བཞིན་ཉིད་དེ་རིག་པར་གསལ།། གང
225b6 ལྟར་སྣང་བ་དེ་བཞིན་ཉིད།། ཇི་ལྟར་བལྟས་པས་ཆོས་ཀྱི་དབྱིངས།། ཇི་ལྟར་རང་གསལ་རང་ལ་ཕྱིན།། བགྲོད་དུ་མེད་པའི་སངས་རྒྱས་ས།། བཙལ་མེད་རང་གསལ་ལམ་གྱི་ཕུགས།། ཡེ་ཤེས་རིག་པའི་འཁོར་ལོ།
iiif viewer powered by OpenSeadragon
