| e-texts navigator |
| Wylie |
225a1 བདུན་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་བ་བཏབ་བོ།། དུས་གསུམ་རྒྱལ་བ་ཐམས་ཅད་ཀྱི།། བགྲོད་བྲལ་ལམ་གྱི་རང་བཞིན་ལ།། བགྲོད་པས་ཕྱིན་པར་ག
225a2 ལ་འགྱུར།། ཡེ་ནས་རིག་པ་མཆོག་གི་ས།། མགོན་པོ་ཁྱོད་ལ་གསོལ་བ་ནི།། འཇུག་དང་བགྲོད་པའི་ཡུལ་བྲལ་བའི།། ས་དང་ལམ་གྱི་རང་བཞིན་དག། བདག་ལ་ངེས་པར་བཤད་དུ་གསོལ།། ཞེས་གསོལ་ཏོ།། དེ
225a3 ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། ནམ་མཁའི་མཐའ་དང་མཉམ་པའི་རྒྱུད།། བགྲོད་བྲལ་ལམ་གྱི་རང་བཞིན་ལ།། བགྲོད་པས་ཕྱིན་པར་མི
225a4 འགྱུར་ཏེ།། རང་གསལ་རིག་པ་མངོན་འཆར་བས།། ཕྱིན་པ་མེད་པར་དུས་གཅིག་མནན།། ཕྱིན་པ་ལམ་གྱི་ཡུལ་བྲལ་ལ།། བགྲོད་པས་ཕྱིན་མེད་ལམ་མཐའ་རིང་།། རང་བྱུང་རིག་པ་གཅིག་ལ་སོན།། རང་གསལ
225a5 འོད་ལ་འཕྲོ་ཞིང་འདུ།། རང་བྱུང་སྙིང་པོ་ཡེ་སངས་རྒྱས།། འཁོར་བ་ལམ་གྱི་རྒྱུ་དང་བྲལ།། མྱ་ངན་མི་འདའ་འཁོར་བའི་རྒྱུན།། གཉི་ག་རང་གསལ་འོད་ལ་ཐིམ།། དབྱེར་མེད་རིག་པ་མཆོག་གི་སྐུ།། བགྲོད་མེད་རིག
225a6 པ་རང་གསལ་ལུང་།། བགྲོད་ཅིང་ཕྱིན་པས་མཐའ་ལ་ཟུག། རང་གསལ་མ་ཡིན་ཆོས་མེད་པས།། ཡེ་ཤེས་འོད་གསལ་དབུས་མཐའ་མེད།། འཛིན་པ་ཀུན་བྲལ་ཅིར་མི་དམིགས།། འོད་འབྱུང་བདེ་ཆེན་ཁྱབ་གསལ
iiif viewer powered by OpenSeadragon
