| e-texts navigator |
| Wylie |
222b1 ནས་རྒྱལ་སར་བཞག། མཁྱེན་པའི་ཡེ་ཤེས་གཅིག་ཏུ་འཁྱིལ།། རོལ་བའི་ཕྱག་རྒྱ་མ་འདྲེས་གསལ།། བཙལ་མེད་རིག་པའི་ཁྱད་པར་ལས།། ལྷུན་གྲུབ་རིན་ཆེན་འོད་ལྟར་འབྱུང་།། ཞེས་གསུངས་སོ།། ནམ་མཁའི
222b2 མཐའ་དང་མཉམ་པའི་རྒྱུད་ཆེན་པོ་ལས། བཙལ་མེད་བསྒྲུབ་པའི་ལེའུ་སྟེ་བཅུ་དྲུག་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ
222b3 ཏོ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུམ་རྨད་བྱུང་རོལ་པར་ཤར།། རྩོལ་བྲལ་ལྷུན་གྲུབ་ཕྲིན་ལས་བདག། ཕྱོགས་མེད་རང་གསལ་ཀུན་གྱི་དངོས།། མགོན་པོ་ཁྱོད་ལ་གསོལ་བ་ནི།། རྩོལ་བྲལ་རིག
222b4 པའི་ཕྲིན་ལས་ལ།། འཇུག་པའི་མཚན་ཉིད་མཉམ་སྦྱོར་བས།། དེ་བཞིན་ཉིད་དུ་མཛད་དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ
222b5 ཆེན་པོ།། རྩོལ་བྲལ་རིག་པ་ལྷུན་གྲུབ་བདག། ཕྱོགས་མེད་རང་བྱུང་གཉིས་མེད་ལ།། གཉིས་ཀྱི་འདུ་ཤེས་འབྱུང་འཇུག་མེད།། ལྷུན་གྱིས་གྲུབ་པའི་ཕྲིན་ལས་སོ།། རིག་པའི་བྱིན་རླབས་མཁའ་ལྟར་བརྡལ།། མཛད
222b6 པའི་བྱེ་བྲག་བསམ་མི་ཁྱབ།། གསལ་བའི་མེ་ལོང་ཡིད་ཀྱིས་འཇུག། བྱ་བྲལ་ལྷུན་རྫོགས་ཕྲིན་ལས་ནི།། བདེ་བའི་ཐིག་ལེ་ཡེ་ཤེས་འོད།། ཇི་ལྟར་གསལ་བ་དེ་ལྟར་གསལ།། གང་རུང་རིག་པ་གཅིག་ལ
iiif viewer powered by OpenSeadragon
