| e-texts navigator |
| Wylie |
221b1 མཉམ་པའི་དོན་ལ་སྦྱོར།། རྩོལ་བྲལ་མེད་པའི་བྱང་ཆུབ་སེམས།། བྱམས་མགོན་ཉི་མའི་འོད་བཞིན་གནས།། རིག་པའི་འོག་མིན་ཆོས་ཀྱི་གཞི།། རང་བྱུང་རིག་པའི་ཐབས་ཀྱིས་གསལ།། ཡེ་གསལ་རྫོགས
221b2 པའི་འཁོར་ལོ་ལ།། འབྱུང་འཇུག་བསླད་པའི་སེམས་ཀྱིས་འཇུག། རིག་པ་རང་གསལ་ཆོས་ཀྱི་དབྱིངས།། ཡངས་དོག་མེད་པས་ཀུན་གྱི་གནས།། བཙལ་མེད་གནས་པའི་རྣལ་འབྱོར་པས།། ཡེངས་མེད་གྱིན་དར
221b3 བཞག་པས་འགྲུབ།། ཇི་བཞིན་གསལ་བའི་རྣལ་འབྱོར་པས།། ཆོས་ཀྱིས་མཐོ་བའི་གཞལ་ཡས་སུ།། རིག་པ་འཕྲུལ་གྱི་སྒོ་ཕྱེ་ནས།། འོད་གསལ་མཆོག་གི་དཀྱིལ་འཁོར་ན།། རིན་ཆེན་ཕུང་པོ་བླ་མེད་བཞུགས།། དེ
221b4 ལྟར་ཐབས་ཀྱི་རིམ་པ་ནི།། གང་དང་གང་གི་རིམ་པ་ཡིས།། དེ་ཉིད་སྒོ་ལ་གང་འཇུག་པས།། བསྒྲུབ་མེད་དོན་ལ་རྫོགས་པར་གསལ།། དཔེར་ན་བརྒྱ་བྱིན་དབང་པོ་ཡི།། གཙུག་ན་རིན་ཆེན་ཕུང་པོ་ཡོད།། མཉེས
221b5 པའི་རིག་པ་གང་བྱས་པས།། ཡོན་ཏན་ཆ་དེ་ཐོབ་པར་འགྱུར།། དེ་ཉིད་རང་ལ་དབང་ཐོབ་པས།། ཇི་ལྟར་འདོད་པ་ཇི་བཞིན་དུ།། བཙལ་བསྒྲུབ་མེད་པར་ཡོན་ཏན་ནི།། ཇི་ལྟར་རིགས་པ་དེ་ལྟར་ཐོབ།། ཐབས་ཀྱི
221b6 རིམ་པ་གང་གང་གིས།། དངོས་པོ་རང་གསལ་མཚོན་བྱས་ན།། ཕྱོགས་རིས་ལྡན་པའི་ཤེས་པ་ཡིས།། ཡོན་ཏན་ཆ་རེ་དེ་བཞིན་ཐོབ།། བཙལ་མེད་ཇི་བཞིན་བཞུགས་པ་ཡིས།། རིག་པ་རང་དབང་ཐོབ་པའི་ཕྱིར།། མ
iiif viewer powered by OpenSeadragon
