| e-texts navigator |
| Wylie |
221a1 ཕྱོགས་བཅུར་བརྡལ།། རིག་པའི་སྙིང་པོ་ཀུན་ལ་སྙོམས།། ནམ་མཁའ་རྒྱས་པའི་མཐའ་བཞིན་དུ།། ཁྱད་པར་གསལ་ལ་དངོས་པོ་མེད།། ཀུན་བྲལ་མཐའ་ཡངས་ཡེ་ཤེས་ལ།། གང་ཡིན་རྟོག་དཔྱོད
221a2 ཡུལ་ལས་འདས།། མཚན་མ་མེད་པའི་མཚན་ཉིད་ནི།། ཡེ་ཤེས་ནམ་མཁའ་ལྟ་བུར་བརྡལ།། རྟོག་འཇུག་དམིགས་བྲལ་ནམ་མཁའི་འོད།། འབྱུང་འཇུག་མཐའ་ཡི་སྤྲོས་པ་ཅན།། མཁྱེན་ལྡན་གསལ་བས་རང་གསལ
221a3 ལུང་།། ཅིས་ཀྱང་མཚོན་མེད་ཚད་མ་མེད།། ཨེ་མ་གསལ་བའི་མེ་ལོང་ཉིད།། ཨེ་མའོ་ཚིག་གི་ཐ་སྙད་བྲལ།། མ་བཅོས་མི་གནས་རྟེན་དང་བྲལ།། བཙལ་མེད་ཉི་མའི་འོད་ལྟར་གསལ།། བསྒྲུབ་མེད་ལམ་ལ་གང
221a4 མཁས་པ།། ཐམས་ཅད་མཁྱེན་པའི་ལམ་ལ་མཁས།། འཁོར་ལོ་རང་གསལ་རིག་པ་ལ།། འདོད་འཇུག་བྲལ་བའི་རིག་པས་འཇུག། འོད་གསལ་མ་བཅོས་གཉིས་མེད་ལ།། རྟོགས་ལྡན་གཉིས་མེད་ཚུལ་གྱིས
221a5 བསྒྲུབ།། གང་ཡང་མི་བྱེད་ཅིར་མི་བསམ།། མཐའ་ལ་མི་འཛིན་དབུས་དང་བྲལ།། རིག་པ་མཐའ་བྲལ་དཀྱིལ་འཁོར་ལ།། འཛིན་མེད་བློ་ཡི་འཁོར་ལོ་ཡིས།། མཚན་འཛིན་རྟོག་པ་རྣམ་པར་བཅད།། གཉིས་མེད
221a6 རིག་པའི་ཁ་ལོ་བསྐུར།། ཡི་གེ་མེད་པའི་རྒྱུད་ལ་བལྟ།། རང་གསལ་རིག་པའི་སྒྲ་ལ་ཉན།། རང་གསལ་ཀུན་ལ་ཇི་བཞིན་གནས།། བརྗོད་མེད་རིག་པའི་དོན་ཡིན་ཡང་།། མཚོན་པའི་སྒྲ་ཡི་འཁོར་ལོ་ཡིས།། ཡེ་ཤེས
iiif viewer powered by OpenSeadragon
