| e-texts navigator |
| Wylie |
220b1 ཕྱོགས་ཀྱི་ཤེས་པ་འདིས།། ཕྱོགས་བྲལ་དོན་ལ་མི་རྟོགས་ཏེ།། མཁས་པ་དོན་ལྡན་མ་ཡིན་པས།། རིན་ཆེན་གཏེར་དང་ཕྲད་མི་འགྱུར།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།།
220b2 བསྲུང་མེད་རིག་པ་བདེར་བཞག་གི་ལེའུ་སྟེ་བཅོ་ལྔ་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐར་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། རྩོལ་མེད་འདོད་འབྱུང་འཕྲུལ་གྱི
220b3 དབྱིག། རང་གསལ་མེ་ལོང་འོད་པོ་ཆེ།། རྡོ་རྗེ་གསང་བ་ཐུགས་ཀྱི་མཛོད།། མགོན་པོ་ཁྱོད་ལ་གསོལ་བ་ནི།། ནམ་མཁའ་མཐའ་མཉམ་རིན་ཆེན་དབྱིག། རྩོལ་བསྒྲུབ་བྲལ་བའི་ཐབས་ཆེན་པོས།། གང་ལྟར་བསྒྲུབ
220b4 པ་བཤད་དུ་གསོལ།། ཞེས་གསོལ་ཏོ།། དེ་ནས་རྡོ་རྗེ་སེམས་དཔའ་ཆེན་པོས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། ཡེ་ཤེས་སྙིང་པོ་བསྒྲུབ་པའི་གཞི།། དེ་རྟོགས་བྱེད་པའི་ལམ་དང་ནི།། མངོན
220b5 བྱས་འབྲས་བུ་ཁྱད་པར་གྱིས།། བསྒྲུབ་པའི་རིམ་པ་གསལ་བར་ཤེས།། སྒྲུབ་བྱེད་རྩོལ་བྲལ་ཆོས་ཀྱི་གཞི། ཡེ་ཤེས་གསལ་བ་ཐོགས་མེད་ལུང་།། སེམས་ཅན་སངས་རྒྱས་གཉིས་སུ་མེད།། ཡེ་ཤེས་སྙིང་པོའི་ཉི་མ
220b6 ལ།། སྒྲུབ་མེད་རྩོལ་བྲལ་འོད་འབར་བ།། ཀུན་ལ་ཡེ་ཤེས་སྙིང་པོར་གསལ།། རིག་པའི་ཡེ་ཤེས་འོད་དུ་འབར།། རང་གསལ་འདོད་འབྱུང་ཕུང་པོ་ནི།། གདོད་ནས་རང་བྱུང་བྱིན་རླབས་ནི།། འགྲོ་འོང་མེད་པར
iiif viewer powered by OpenSeadragon
