| e-texts navigator |
| Wylie |
220a1 བ་འོད་ཀྱི་ལུང་།། རྩོལ་མེད་བདེ་བས་ཉམས་སུ་བླང་།། རང་གསལ་གཅིག་པུའི་དམ་ཚིག་ཐོབ།། རང་བྱུང་ལྷུན་གྲུབ་དམ་ཚིག་ལ།། བསམ་ཡས་འབྲས་བུའི་གཏེར་རྫོགས་པས།། རྩོལ་མེད་ལྷུན་གྲུབ
220a2 ཡེ་སངས་རྒྱས།། རིན་ཆེན་འབར་བའི་ས་གཞི་ལྟར།། འཁོར་བ་ཡེ་ཤེས་སྙིང་པོར་གསལ།། བརྒྱ་བྱིན་སྤྱི་གཙུག་ནོར་བུ་ལྟར།། བསམ་མེད་གདོད་ནས་ལྷུན་གྱིས་རྫོགས།། ཉི་མའི་སྙིང་པོའི་འོད་བཞིན་དུ།། རིམ་པ
220a3 མེད་པར་དུས་གཅིག་གསལ།། ལྷུན་རྫོགས་བསྟན་པའི་མེ་ལོང་ལ།། མཚན་མའི་རིག་པ་ཅིར་སྣང་ཡང་།། ཕྱོགས་རིས་མེད་པའི་ཡེ་ཤེས་ཀྱིས།། ལྷུན་གྲུབ་རང་གསལ་ཡེ་ཤེས་ཉིད།། ཅིར་སྣང་ཡེ་ཤེས་ལྷུན
220a4 གྲུབ་ལ།། སྤང་བར་བྱ་བ་ག་ལ་ཡོད།། ལྷུན་གྲུབ་རང་གསལ་ཡེ་ཤེས་ལ།། ཀུན་མཁྱེན་རིག་པ་མི་འཆར་ན།། སེམས་ཅན་སངས་རྒྱས་ཁྱད་པར་གྱི།། ཁྱད་མེད་ཐོས་བསམ་བསྒོམ་ཅི་ཕན།། གང་ཡང་མི་མཐོང་གང
220a5 ཟེར་བ།། ཡེ་ཤེས་མ་ཡིན་མི་ཤེས་ཡིན།། ཡེ་ཤེས་མུན་པའི་ཁམས་ཀྱིས་བསྒྲིབས།། སངས་རྒྱས་སེམས་ཅན་ཁམས་སུ་ལྷུང་།། ཡེ་ཤེས་གསལ་བའི་སྣང་བ་ལ།། གློ་བུར་མུན་པས་བསྒྲིབས་པ་ནི།། སངས་རྒྱས་འཁོར
220a6 བར་ལྟུང་གྱུར་ནས།། གྲོལ་ཐར་མེད་པའི་སྐྱོན་དུ་འགྱུར།། ཡེ་ཤེས་གསལ་བའི་སྣང་བ་ལ།། ཡེ་ནས་མུན་པར་ལྡན་གྱུར་ན།། རྟག་དང་སངས་པར་མི་འགྱུར་དང་།། རྟོག་མེད་མུན་པའི་ཁམས་སུ་འགྱུར།། དེ་ཕྱིར
iiif viewer powered by OpenSeadragon
