| e-texts navigator |
| Wylie |
21b1 རྟོག་འཕང་།། སྐྱེ་བ་རྣམ་བཞི་དབྱེར་མེད་ཤར།། ལྷན་ཅིག་སྐྱེས་དང་འདུས་བྱས་སྐྱེས།། སྐྱེས་པ་སྒྲ་མཐུན་དོན་ལས་འཕགས།། དེ་ལྟར་ཤེས་ནས་བརྟན་པ་དང་།། འདུས་བྱས་པ་ཡི་བསམ་གཏན་གཉིས།། བསམ
21b2 གཏན་སྒྲ་མཐུན་ཁྱད་པར་ཆེ།། མཚན་ཉིད་སོ་སོར་རྩལ་སྣང་དང་།། རྩ་བྲལ་སོ་སོར་རྩལ་སྣང་དང་།། སོ་སོར་ངོ་སྤྱོད་ཁྱད་པར་ཆེ།། གཅིག་ཏུ་བརྟན་ནས་རྫོགས་པ་དང་།། ཕྱོགས་འཛིན་ཚིག་རྐྱང་ཤོར་བ
21b3 གཉིས།། ཉག་གཅིག་སྒྲ་མཐུན་ཁྱད་པར་ཆེ།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། རྩ་ལྔ་ངོ་སྤྲོད་ཀྱི་ལེའུ་སྟེ་བཅུ་དྲུག་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས
21b4 ཉོན།། ཐེག་པའི་གཞི་དང་ལམ་རྫོགས་པས།། དེ་ཡི་འབྲས་བུ་སྒྲ་མཐུན་རྣམས།། མདོར་བསྡུས་བདག་གིས་བརྗོད་པ་ནི།། འགྱུ་བ་དངོས་མེད་ངོ་ཤེས་པས།། ཉན་ཐོས་བདག་མེད་ལྟ་བ་མཐུན།། དབུགས་ལ་མི
21b5 བརྟེན་གོལ་ས་ཆོད།། རིག་པ་ཁོང་གསལ་ངོ་སྤྲད་པས།། སེམས་ཙམ་པ་དང་ལྟ་བ་མཐུན།། སེམས་ལ་གྲོལ་བས་གོལ་ས་མེད།། རང་བཞིན་སྟོང་པར་ངོ་སྤྲད་པས།། དབུ་མ་པ་དང་ལྟ་བ་མཐུན།། སྒྱུ་མར་མི་འདོད
21b6 གོལ་ས་མེད།། གཉིས་སུ་མེད་པར་འབྲས་བུ་མཐུན།། གྲངས་མེད་དུས་མི་ལྟོས་པས་གོལ་ས་མེད།། སྒྱུ་མའི་དཔེ་བརྒྱད་མི་བསྒྲུབ་ཁྱད་པར་འཕགས།། ངོ་བོར་རང་བཞིན་ཐུགས་རྗེ་གསུམ།། ཀྲི་ཡ་བ་དང་འཁྱེར་སོ།
iiif viewer powered by OpenSeadragon
