| e-texts navigator |
| Wylie |
21a1 རྫོགས་པ་དངོས།། ལམ་གྱི་གཞི་དང་ལམ་དངོས་དང་།། འབྲས་བུའི་གཞི་དང་འབྲས་བུའི་དངོས།། འབྲས་བུ་ལ་ཡང་རྣམ་པ་གསུམ།། ངན་འགྲོ་མཐོ་རིས་འདྲེན་པ་གསུམ།། ལོངས་སྐུ་སེམས
21a2 དཔའ་ཐུབ་པ་དྲུག། འབྲས་བུའི་སྐུ་གསུམ་གྲུབ་མཐའ་ཐེག་པ་གསུམ།། དེ་ཡི་གཞི་ལམ་འབྲས་བུ་རྣམས།། བརྟག་པ་རབ་ཏུ་གཅེས་པས་ངོ་སྤྲོད་གཅེས།། གབ་པ་མངོན་དུ་ཕྱུང་ནས་བཤད་པ་འདི།། འབྲས་བུ་ལམ
21a3 དང་གཞི་གསུམ་མོ།། ཁྱད་པར་སྒྲ་མཐུན་དོན་ལས་འཕགས།། དངོས་གཞི་གཉིས་ཀྱི་རལ་མེད་ན།། ལག་རྡུམ་བྲག་ལ་འཛེག་པ་འདྲ།། འབྲས་བུ་རང་གྲོལ་གནད་མེད་ན།། བྱེ་མའི་སྤོ་ལ་མཁར་བརྩིག
21a4 འདྲ།། ལམ་གྱི་ས་མཚམས་མ་ཤེས་ན།། ཁས་དྲག་ཁྱོ་བསད་སྔོན་ན་རྒྱུ།། དེ་ཡི་གནད་དང་ལོག་ནོན་མ་ཤེས་ན། ཁས་ལྔས་བྱེ་ཚད་བཅས་པ་འདྲ།། རྩ་དང་རླུང་དང་ཐིག་ལེ་གསུམ།། མཚན་ཉིད་འཛིན་པ་རེ་རེ
21a5 ལ།། ཀུན་དང་རྒྱ་མ་ཆད་པ་ཡིན།། དེ་ལྟར་གཞི་ལམ་འབྲས་བུ་ཡང་།། མཚན་ཉིད་འཛིན་པ་རང་ས་ལ།། རྒྱ་མ་ཆད་པས་རྫོགས་པ་ཡིན།། གཞི་རྩ་ལྔ་ཡི་གནད་ཤེས་པས།། རྩ་ལྔའི་ངོ་སྤྲོད་བྱས་ཙ་ན།། ཀུན་བརྟགས
21a6 སྟོང་ར་དུས་གཅིག་འབྱོངས།། རླུང་ལྔའི་ངོ་སྤྲོད་གདེང་ལྡན་པས།། ཤེས་པ་ཨ་ཝ་དྷཱ་ཏིར་ཚུད།། ཐིག་ལེ་ངོ་སྤྲོད་བྱས་པ་ཡིས།། ཤེས་པ་བདེ་བ་ཆེན་པོར་ཁེལ།། ཡེ་ཤེས་ངོ་སྤྲོད་བྱས་པ་ཡིས།། ནམ་མཁའི་ངང་དུ་རྣམ
iiif viewer powered by OpenSeadragon
