| e-texts navigator |
| Wylie |
219b1 བྲལ་ཡེ་ཤེས་ཆེན་པོ་ཀླུང་།། རང་རིག་འོད་གསལ་ནམ་མཁའ་ཆེ།། ཕྱོགས་སུ་བལྟས་པས་དེ་མི་མཐོང་།། ཆོས་ཉིད་ཕྱོགས་མེད་རང་གསལ་ལ།། ཕྱོགས་མེད་རིག་པའི་ཡེ་ཤེས་འཇུག། རྩོལ་བྲལ་ཡེ་ཤེས་མཉམ་པ
219b2 ལ།། རྩོལ་མེད་ཇི་བཞིན་ཉིད་ཀྱི་གནས།། ནམ་མཁའི་མཐའ་བཞིན་ཀུན་ཁྱབ་ཀྱང་།། རིག་པ་རང་གསལ་གཅིག་གི་ངང་།། བསམ་བྲལ་ཡེ་ཤེས་ཉིད་ལ་རྫོགས།། ཕྱལ་པ་ཆེན་པོ་བླ་མེད་པའོ།། ཅིར་སྣང་ཅིར་སྲིད
219b3 མ་ལུས་ཀྱང་།། ཡེ་ཤེས་རིག་པ་གཅིག་ལ་གསལ།། གཅིག་པོ་རྟོག་དཔྱོད་ཡུལ་ལས་འདས།། གཅིག་དང་དུ་མར་ཡོངས་ཀྱིས་མེད།། རིག་པའི་ཡེ་ཤེས་ཉག་གཅིག་ལ།། མཐའ་དབུས་མེད་པའི་ཆོས་སུ་གསལ།། ཡེ
219b4 ཤེས་གཅིག་གི་དོད་ལ་བཞུགས།། ཡེ་ཤེས་རྒྱ་མཚོ་མུ་མཐའ་མེད།། བདག་གསལ་གཞན་གསལ་ཐམས་ཅད་གསལ།། ཀུན་གསལ་རིག་པ་འཁོར་མཐའ་མེད།། ཀུན་བཟང་མཆོག་གི་འཁོར་ལོ་ལ།། གཅིག་དང
219b5 གཉིས་ཞེས་བགྲང་དུ་མེད།། ཡེ་ནས་རིག་པ་ཇི་བཞིན་གནས།། ཚིག་ཚོགས་རྒྱ་མཚོ་ལྟ་བུའི་ཀླུང་།། གང་ལྟར་ཕྱེ་ཡང་གཅིག་ལས་མེད།། ཐིག་ལེ་གཅིག་ལས་དམ་ཚིག་གྲངས།། དེ་ལྟ་ཉིད་དུ་སོ་སོར
219b6 གྲགས།། འདུལ་བའི་ཐབས་ལྡན་རང་རིག་ལུང་།། རིག་པ་མཆོག་གི་འཁོར་ལོ་བསྐོར།། རང་གསལ་བརྗོད་མེད་དོན་ལ་ཉན།། ཡེངས་པ་མེད་པའི་དོན་གྱིས་གོ། དེ་ཉིད་དགུ་ལྡན་སེམས་ཉིད་གཞི།། རིན་ཆེན་འབར
iiif viewer powered by OpenSeadragon
