| e-texts navigator |
| Wylie |
218b1 མཁའ་རང་བྱུང་ཁྱབ་པའི་ངང་།། མཚན་མར་མ་ཡིན་མཚན་མེད་མིན།། རྡོ་རྗེ་གསང་བའི་ཐབས་ལུང་ནི།། གཉིས་མེད་རང་གསལ་མཉམ་རྫོགས་སོ།། མ་བཅོས་གསང་བའི་དམ་ཚིག་ལ།། བཅོས་པས་མཁའ་ལ
218b2 མདུད་འདྲའི་ཚུལ།། གཉིས་མེད་རིག་པའི་མཆོག་ཉིད་ལ།། ཡུལ་དང་ཡུལ་ཅན་བསྲུང་བས་ལོག། གྲངས་འདས་ཚད་མེད་རང་གསལ་ལ།། གྲངས་ཚད་མཁའ་ཡི་མཐའ་འཚོལ་འདྲ།། བསྲུང་མེད་ཡེ་ནས་ཐུག་ཟིན
218b3 ལ།། ད་གདོད་བསྲུང་བས་ཐུག་པ་མེད།། བསྲུང་དང་མི་བསྲུང་ཚིག་གི་མཐའ།། ཡེ་ཤེས་རིག་པའི་ཚིག་མཐའ་བྲལ།། ཕྱོགས་བྲལ་འོད་གསལ་ཚིག་ལས་འདས།། ཕྱོགས་ཀྱི་བསྲུང་བ་ལོག་པའི་ལམ།། རྩོལ་བྲལ
218b4 ལྷུན་རྫོགས་དམ་ཚིག་ལ།། བཙལ་བས་མི་རྙེད་ངལ་དོན་མེད།། བྱ་བྲལ་རྫོགས་ལུང་དམ་པ་ལ།། འཇུག་ལྷའི་ཚིག་གིས་གང་རྩོལ་བ།། མཚན་མ་རྟོག་པའི་རྒྱུན་གྱིས་ཁྲིད།། མཚན་མའི་རྩོལ་བ་ལོག་པའི་ཆོས།། ཡེ
218b5 ཤེས་རང་གསལ་ཉི་མ་ལ།། མཐའ་ཡི་ཞེན་པའི་མུན་པས་བསྒྲིབས།། མ་རིག་མུན་པས་ཐིབས་ཀྱིས་འགགས།། སྣང་གསལ་རིག་པའི་འོད་དང་བྲལ།། རང་གསལ་ཡེ་ཤེས་མེ་ལོང་ལ།། རང་བྱུང་རིག་པའི་རྩལ
218b6 གག་ནས།། ཅི་ཡང་མི་མཐོང་ཆད་བལྟ་བ།། མནར་མེད་རྡོ་རྗེའི་ཁབ་ཏུ་ལྟུང་།། བརྟགས་བྲལ་གཉིས་མེད་ཡེ་ཤེས་ལ།། ཕྱོགས་རིས་མེད་པར་ཀུན་གསལ་བས།། ཅི་ཡང་ཡིན་ནོ་གང་ཡང་རུང་།། ཀུན་བརྟགས
iiif viewer powered by OpenSeadragon
