| e-texts navigator |
| Wylie |
218a1 མཁའ།། འདུ་འབྲལ་མི་མངའ་རིག་པའི་གཏེར།། རང་གསལ་འོད་ལས་འདའ་བ་མེད།། གཅིག་སྟེ་འོད་གསལ་ཁྱབ་པ་ཆེ།། ཡོངས་ལ་གདལ་བས་ཕྱོགས་རིས་མེད།། གང་ཡང་མ་ཡིན་ཁྱབ་པའི
218a2 དབྱིངས།། ཡེ་ནས་རིག་པ་མཆོག་ལ་སྦྱོར།། གཉིས་བྲལ་རིག་པའི་དམ་ཚིག་ལ།། འདོད་པའི་བསམ་པས་བསྲུང་དུ་མེད།། ཕྱོགས་བྲལ་མཉམ་པའི་དམ་ཚིག་ལ།། ཕྱོགས་ཀྱི་བསམ་པ་ཅིར་མི་འཇུག། བསམ་བྲལ
218a3 གཉིས་མེད་རིག་པ་ལ།། བསམ་ཞིང་དཔྱོད་པའི་ཡུལ་མི་གནས།། རང་དགའ་ལྷུན་རྫོགས་དམ་ཚིག་ལ།། བཙལ་ཞིང་བསྒྲུབ་པའི་མིང་མི་གནས།། ཅི་ཡང་མ་ཡིན་འོད་གསལ་ཡིན།། རང་གསལ་རྡོ་རྗེ་ཐབས་ཀྱི
218a4 ལུང་།། བརྗོད་བྲལ་རིག་པའི་ངོ་བོར་སྨིན།། རིག་པ་རང་གསལ་ཡེ་ཤེས་ལ།། བསྲུང་དང་མི་བསྲུང་ཕྱོགས་རིས་མེད།། མཉམ་ཉིད་རིག་པའི་གཏེར་ལ་རྫོགས།། བཅོས་མེད་རིག་པའི་དབྱིངས་ལ་གསལ།། ཕྱོགས
218a5 བྲལ་མཉམ་པའི་སེམས་ཀྱིས་འཇུག། ཡེ་ཤེས་གསང་བའི་དམ་ཚིག་ནི།། མི་བསྐྱོད་རྡོ་རྗེ་སེམས་དཔའི་ལུང་།། བརྗོད་བྲལ་སྒྲ་ཡི་དམ་ཚིག་ལ།། མ་ཡེངས་རིག་པ་མཆོག་གི་འོད།། ཡི་གེ་མེད་པར་གསལ་བའི
218a6 རྒྱུད།། མཉན་བསམ་མེད་པར་རང་བཞིན་གསལ།། དགོངས་པ་མ་བཅོས་རྣལ་དུ་ཕེབ།། ཇི་བཞིན་རིག་པ་བསམ་བྲལ་ལུང་།། གསང་བ་རྐྱེན་བྲལ་ཅིར་མི་གསལ།། རང་གསལ་རིག་པ་མཆོག་ལ་གནས།། ནམ
iiif viewer powered by OpenSeadragon
