| e-texts navigator |
| Wylie |
217b1 ཏུ་ཐར།། རང་གསལ་རིག་པའི་འོད་དུ་འབར།། རིག་པ་རང་དབང་རྒྱལ་པོར་ཐོབ།། རྡོ་རྗེ་སེམས་དང་སྐལ་བ་མཉམ།། ལས་དང་ལས་ཀྱི་བག་ཆགས་ཀྱིས།། གོས་པར་མི་འགྱུར་པདྨ་ལྟར།། ནམ་མཁའ་དག་པའི
217b2 ཀློང་བཞིན་དུ།། འཛིན་མེད་ཡེ་ཤེས་ཆེན་པོར་ངེས།། རང་གསལ་རིག་པའི་ཀླུང་ཞུགས་ནས།། འོད་ཟེར་ཉི་བཞིན་བདག་ལ་འཆར།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།།
217b3 རྒྱལ་ཐབས་སྤྱི་བླུགས་ཡེ་ཤེས་ངོ་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ།། དུས་གསུམ་རྒྱལ་བའི་སྐུ་གསུང་ཐུགས།། ཡེ་ནས་རང་གསལ
217b4 འདའ་མེད་ལ།། བསྲུང་མེད་ཡེ་ཤེས་རིག་པ་ཡིས།། མཉམ་དུ་འཇོག་ཅིང་ཡེ་ཤེས་གསལ།། མགོན་པོ་ཁྱོད་ལ་གསོལ་བ་ནི།། བསྲུང་དུ་མེད་པའི་དམ་ཚིག་ལ།། གང་ལྟར་བསྲུངས་ཀྱང་མི་འགལ་དོན།། མགོན་པོས
217b5 བདག་ལ་བཤད་དུ་གསོལ།། ཞེས་གསོལ་ཏོ།། དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་སེམས་དཔའ་ཆེན་པོ་དེས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ།། བསྲུང་བྲལ་རིག་པའི་དམ
217b6 ཚིག་ལ།། བསྲུངས་ཤིང་བཙལ་བས་ལོག་པའི་ལམ།། བསྲུང་མེད་རྟོགས་པའི་དམ་ཚིག་གཞི།། ཡེ་ཤེས་གསང་བ་མཆོག་ལ་རྫོགས།། གཉིས་མེད་རིག་པ་རྩོལ་བྲལ་ལུང་།། བཅོས་མེད་རིག་པ་མཆོག་གི
iiif viewer powered by OpenSeadragon
