| e-texts navigator |
| Wylie |
217a1 དགོངས་པའི་ལུང་།། བརྗོད་མེད་རྣལ་དུ་བཞག་པས་གོ། བུམ་པར་བུམ་པའི་བཅུད་བསྟིམས་བཞིན།། དགོངས་དོན་སློབ་མའི་བློ་ལ་བཞག། དམ་མེད་སློབ་མ་མི་བསྟེན་ཞིང་།། གསང་བར་ཉེས
217a2 དམིགས་བསྟན་པར་བྱ།། སྣོད་མེད་གསང་བའི་དམ་སྲི་ལ།། ཉེས་དམིགས་མེད་པའི་བླ་མ་ཡིས།། རྒྱལ་ཐབས་སྤྱི་བླུགས་དབང་བསྐུར་ཞིང་།། བྱང་ཆུབ་སེམས་ཀྱི་དོན་བསྟན་ན།། སྣོད་ངན་བཙལ་འཆང་ཞོ་བླུགས
217a3 ན།། གཉིས་ཀ་མ་རུངས་བྱེད་པ་ལྟར།། དེ་མ་ཐག་ཏུ་འཇིག་པ་དང་།། འཇིག་རྟེན་དཔྱས་ཀ་ཆེན་པོར་འགྱུར།། དེ་ཕྱིར་སྣོད་ངན་སློབ་མ་ནི།། རྨི་ལམ་དུའང་མི་བསམ་ན།། མན་ངག་འཛིན་པའི་སློབ་མ་ཡི།། དམ
217a4 པར་བརྟེན་པ་སྨོས་ཅི་དགོས།། དུས་གསུམ་སངས་རྒྱས་ཐམས་ཅད་དང་།། རྡོ་རྗེ་སེམས་དཔའ་ཆེན་པོ་ཡིས།། མ་བརྗོད་དགོངས་པ་གོ་བའི་ལུང་།། རྒྱལ་ཐབས་སྤྱི་བླུགས་རིག་པའི་དབང་།། རྩོལ་མེད་བྱང་ཆུབ
217a5 སེམས་ཀྱིས་བསྐུར།། དུས་མཐའི་ཆ་ལ་མངོན་པར་གཤེགས།། ལུང་ལྡན་རྡོ་རྗེ་བླ་མ་ཡིས།། སྣོད་ལྡན་གུས་པའི་སློབ་མ་ལ།། རྒྱལ་ཐབས་སྤྱི་བླུགས་དབང་བསྐུར་ནས།། དུས་མཐའི་ཤེས་པ་སྐད་ཅིག་ལ།། རང
217a6 གསལ་ཆོས་སྐུ་རང་གནས་བསྟན།། འབབ་ཆུ་གནས་པའི་ཏིང་འཛིན་གྱིས།། བཙལ་མེད་འོད་གསལ་བདེ་བ་ཆེ།། རང་བཞག་གནས་པ་འགྲུབ་པར་འགྱུར།། དེ་ལྟར་དབང་ཐོབ་གང་ཟག་ནི།། རྩོལ་བའི་ཆུ་ལས་རབ
iiif viewer powered by OpenSeadragon
