| e-texts navigator |
| Wylie |
216b1 བརྟགས་པའི་བུ་ཉིད་ཀྱིས།། གསོལ་གདབས་ཉེས་བྱས་བརྟགས་པ་ལ།། གནང་སྦྱིན་ཉེས་དམིགས་བསྟན་བྱས་ལ།། ཡེ་ཤེས་གསང་བའི་དོན་ལ་བཅུག། སེམས་ཉིད་རིན་ཆེན་གཉིས་མེད་ལ།། བསྐུར་བའི་ཆ་གཉིས
216b2 མི་རྟོག་ཀྱང་།། རྒྱལ་ཐབས་སྤྱི་བླུགས་དབང་བསྐུར་ནས།། རིག་པ་རང་གསལ་དོན་དང་སྤྲད།། གསལ་བྱེད་རིན་ཆེན་འབར་བ་བསྟན།། སྒྲ་ཡི་མཚན་ཉིད་བཤད་པ་ཡིས།། ཡེ་ཤེས་ངོ་འཛིན་མན་ངག་སྦྱིན།། རང
216b3 གསལ་རིག་པའི་མེ་ལོང་ལ།། ཡེངས་པ་མེད་པའི་མན་ངག་སྦྱིན།། མ་ལུས་འགག་མེད་ངོས་བསྟན་ནས།། རིག་པ་ཁུ་ཆས་གདམས་ངག་དབོག། ཡུལ་སེམས་རང་གསལ་དོན་བཤད་ན།། མི་འབྲལ་གཟུངས་ཀྱི་མན
216b4 ངག་སྦྱིན།། རང་བྱུང་རིག་པ་གཡོ་མེད་པས།། ལྟེང་ཆུ་ལྟ་བུའི་མན་ངག་སྦྱིན།། ཅི་སྤྱད་གང་ཡིན་དོན་རྟོགས་ལ།། འདམ་སྐྱེས་ལྟ་བུའི་མན་ངག་སྦྱིན།། རང་གསལ་རིག་པའི་ཡེ་ཤེས་ལ།། མཚན་མའི་རྟོག་པས་མི
216b5 འགྱུར་བས།། གནས་སྐབས་ཆུ་ལྟར་གནས་པ་སྦྱིན།། དྲན་རྟོག་རྗེས་འབྲང་རིག་པ་ལ།། ཡུལ་ཤེས་བྲལ་བའི་མན་ངག་སྦྱིན།། འགྲོ་དོན་ལྷུན་གྲུབ་རྩོལ་མེད་ལ།། བརྡ་དོན་སྤྲད་པ་སྦྱིན་པར་བྱ།། རྩོལ་མེད་རིག་པར
216b6 གནས་པ་ལ།། བརྡ་དོན་ཕྲད་པའི་དོན་ལ་སྦྱར།། རང་བྱུང་སྐུ་གསུམ་ལྷུན་གྲུབ་ལ།། ཟུག་ཕྲད་བླ་མའི་ཞལ་ལས་བརྟགས།། བསྐུར་ཐོབ་མེད་པར་རང་གསལ་ལུང་།། མ་འཕྲོས་ཆུ་ལ་ཆུ་བཞག་ལྟར།། རྡོ་རྗེ་བླ་མའི
iiif viewer powered by OpenSeadragon
