| e-texts navigator |
| Wylie |
216a1 ཡིན།། མཐོང་བའི་ཆོས་ལ་སྡུག་བསྔལ་ཞིང་།། དུས་མིན་པར་ནི་ཚེ་ཟད་ནས།། བདག་གཞན་གཉིས་ཀའི་རྒྱུད་བརླག་ནས།། རྡོ་རྗེའི་ཁབ་ཏུ་ངེས་པར་ལྟུང་།། རྒྱལ་ཐབས་སྤྱི་བླུགས་དབང་བསྐུར
216a2 ན།། སྙིང་རྗེ་ཐོས་ལྡན་ཁེངས་སེམས་བྲལ།། ལུས་དང་སྲོག་ལ་མི་བལྟ་ཞིང་།། འཇིག་རྟེན་གྲགས་པ་རྣམས་སྤངས་ནས།། སྙིང་པོ་བྱང་ཆུབ་མཆོག་ལ་བརྩོན།། མང་ཡང་གཉིས་ལས་མི་བསྟན་ཏེ།། ཐེ་ཚོམ་བཅད་ལ
216a3 ངེས་བརྟགས་པས།། མི་ནུབ་ངེས་པར་གཟུང་བའི་ཕྱིར།། རྒྱལ་ཚབ་ངེས་པ་གཅིག་ལ་གཏད།། ངེས་པའི་རྒྱལ་སྲས་གསང་བ་ལ།། བྱང་ཆུབ་སེམས་ཀྱིས་དབང་བསྐུར་ན།། བཙལ་མེད་འབྲས་བུ་རང་གསལ
216a4 ནས།། དེ་མ་ཐག་ཏུ་རིག་པ་འཆར།། རྡོ་རྗེའི་རྒྱུད་ལ་མཁས་པ་དང་།། རྒྱལ་ཐབས་དབང་གི་རིག་པ་འཆང་།། རང་གསལ་རིག་པའི་དོན་ལ་གོམས།། ཐབས་མཁས་སྙིང་རྗེ་ལྡན་པ་ཡིས།། སྣོད་ལྡན་དང་གསལ་རིག
216a5 པ་ལ།། སྐྱེ་མེད་རིག་པའི་དོན་བསྟན་ནས།། རྒྱལ་ཟབས་སྤྱི་བླུགས་དབང་བསྐུར་ནས།། ངེས་པར་གསང་བའི་ནན་ཏན་བྱ།། འཇིག་རྟེན་གྲགས་པ་གཙོར་བཞག་ནས།། ལུང་དང་མན་ངག་མི་ལྡན་པར།། ང་རྒྱལ
216a6 ཆགས་པའི་བླ་མ་ནི།། རྡོ་རྗེ་འབར་བའི་ཁབ་ཏུ་ལྟུང་།། རྣ་བརྒྱུད་མན་ངག་མི་ལྡན་པར།། གསང་བའི་མན་ངག་ལོག་བསྟན་པས།། མྱུར་དུ་ཚེ་ཡི་དུས་བྱས་ནས།། རྡོ་རྗེ་དམྱལ་བར་སྨོས་ཅི་དགོས།། ལེགས་པར
iiif viewer powered by OpenSeadragon
