| e-texts navigator |
| Wylie |
215b1 དབང་གི་རྒྱལ་པོ་སྤྱི་བླུགས་ཚངས་པའི་དབང་འདི་གསུངས་སོ།། ཀྱེ་སེམས་དཔའ་ཆེན་པོ།། ནམ་མཁའི་མཐའ་དང་མཉམ་པའི་རྒྱུད།། རང་གསལ་རིག་པ་མཆོག་གི་རྒྱན།། ཡེ་ཤེས་གསང་བ་མཆོག་གི་ལུང་།། རྣ
215b2 བརྒྱུད་ཐུགས་ཀྱི་མེ་ལོང་གི། དབང་མཆོག་ཐོབ་མེད་ངོ་སྤྲོད་ཐབས།། བསྐུར་ཐོབ་མེད་པར་རྫོགས་པར་གསལ།། རང་གསལ་ཡེ་ཤེས་སྒྲོན་མ་འདི།། རྒྱལ་ཐབས་སྤྱི་བླུགས་རྫོགས་པའི་དབང་།། རང་གསལ་རིག་པ
215b3 རྫོགས་ལུང་ནི།། རང་བཞིན་ཞུ་ཐབས་དུས་སྣོད་དང་།། སྐྱོན་ཡོན་རང་གསལ་རིག་པར་རྫོགས།། རང་བྱུང་རིག་པའི་རྒྱལ་པོ་འདི།། སྐྱེ་འགྲོ་ཕྱི་ནང་ཀུན་ལ་ཁྱབ།། ཐམས་ཅད་ནམ་མཁའི་ངང་གནས
215b4 བཞིན།། རྒྱལ་ཐབས་རང་བྱུང་མཆོག་གི་དང་།། རང་གནས་རིག་པའི་གཏེར་ལ་རྫོགས།། ཡེ་ཤེས་གསལ་བ་ཀུན་དབང་བསྒྱུར།། ཕྱོགས་མེད་ཡེ་ཤེས་རྩོལ་བྲལ་གཏེར།། ཏིལ་འབྲུ་བཞིན་དུ་ཁྱབ་པར
215b5 བཞུགས།། རྒྱལ་ཐབས་རིག་པར་མི་ལྡན་ན།། རྩོལ་བའི་ཁྱད་པར་གང་གང་གིས།། ཇི་ལྟར་དེ་ལྟར་དབང་བསྐུར་ཡང་།། འཁོར་བའི་ལྕགས་ལས་ཐར་པ་མེད།། དད་དང་དམ་ཚིག་ལྡན་པ་དང་།། འདི་རྣམས་ལྡན
215b6 པའི་སློབ་མ་ནི།། སྟོང་གསུམ་ན་ཡང་འབྱུང་བ་མེད།། ཆགས་ཆེ་དང་ཐུང་དད་པ་མེད།། ཐོས་མེད་རང་ཆེ་དམ་ཚིག་བྲལ།། སེར་སྣ་སྙིང་རྗེ་མེད་དང་ཡོད།། མན་ངག་སྤེལ་ཞིང་བསླུ་བ་ལ།། དེ་འདྲ་དབང་གི་གནས་མ
iiif viewer powered by OpenSeadragon
